Homepage Dream Team

Actual Date 18-06-2020 jab maine Ace Tier Complete Kiya . or me story aaj likh rahi hu 26-Dec-2020 ko. suhani ke life Silent writer ke entry kab kaise huye ye story bohot he badi hai isko me seperate cover kiya hai maine . is story ko padhane se pehele Silent Writer Kon hai ye padhana important hai . varna ye story kuch samajh nahi aayegi to pehele wo story padhale vapas yahi pe aao. niche link pe click krke aap read kr skte ho

Who Is Silent Writer(Click Me)
is story ke bad Meri friend yashika ke bare me ek story hai usame meri silent writer kaise bat huye kaise hamare bat chit hoti tahi stong friendship hogaye wo cover kiya hai to usako bhi aap padha sakte ho isi page pe "Yashika " name se story hai reafd karo isse aapko ye story or karib se samjh me aayegi

filal ye story meri Ace Tier complete ki hai to me overall cover krti hu. sath me silent writer ke bare me bhi short me batati hu. ye date isliye mujhe yad hai kyunki jab mera ace hua jis match me hua wo match maine record kiya tha and wo record clip tiktok par upload kiya tha jispe us time ka highest watching tha mera karib 700K view hogya tha.

me pehele inshort ab tak ki situation batati hu fir continue karti hu, to aaj finnaly mera ace tier complete hogya hai. bohot din me mehnat ke bad . is moment ko me hamesha ke liye save kr rahi hu infuture bar bar padhungi isko. Mere bhai ne kaha tha, "Jab real story likho, to use phir se jiyo." To main phir se jee rahi hoon sab kuch.

Har insaan sapna dekhta hai. Koi career ka, koi success ka, koi apne liye. Mera bhi ek sapna tha. Par wo mera nahi tha. Wo mere bhai ka tha. PUBG me Ace tier tak jana. Haan, sunne me ajeeb lagega. Par kahani wahi se judi hai.

Mera koi saga bhai nahi hai aur jiske bare me main likh rahi hoon wo mujhe internet par mila tha. Us waqt main internet sirf YouTube aur TikTok ke liye use karti thi, gaane aur funny videos dekhti thi aur PUBG jaise game me mera interest zero tha. Meri best friend Yashu ke saath mera school se lekar post graduation tak ka safar raha, wo IT field me topper thi aur uska sapna Infosys me job karna tha, par ek dhoke ne uski life badal di aur wo itni depressed ho gayi ki ek din usne apni nas kaatne ki koshish ki. Tab maine Google par help dhoondhi aur mujhe "Silent Writer" ka Love Guru blog mila jahan maine unhe message kiya. Unhone Yashu se live chat ki aur garden me jab wo chat kar rahi thi toh mahino baad maine uske chehre par muskan dekhi. Us din se main Silent Writer ki posts padhne lagi jo unki personal diary ka hissa hoti thi aur jiske last me "destiny" likha hota tha. Maine socha tha wo koi 45 saal ke bade aadmi honge par Sunday ko chat me pata chala ki wo sirf 20 se 22 saal ke student hain jinka naam Vaibhav hai. Unki baaton ka mujh par itna asar hua ki ek din maine pizza shop ke bahar pen bechne wale bacche ko pizza khilaya aur jab usne apne self-respect ke liye mujhe 10 rupaye diye toh mujhe samajh aaya ki paisa sab kuch nahi hota. Unki ek line mere dimaag me bas gayi thi ki kabhi lage aapke paas sab hai toh apne se ameer ko dekho aur kabhi lage kuch nahi hai toh apne se gareeb ko dekho. Hum dono badalne lage the.
Phir ek Sunday chat me maine usse directly pucha, "Aap apni identity kyon hide karte ho?"
Usne simple jawab diya. "Main blog aur personal life mix nahi karna. chahta. Log pehchan lenge to problem hogi." Wo publicity nahi chahta tha. Wo bas normal rehna chahta tha.Jitna main use samajhne ki koshish karti, utna wo gehra lagta.Aur uske beech me wo PUBG ka Ace dream.Us waqt mujhe nahi pata tha ki ek din wahi Ace meri life ka sabse important target ban jayega.Par shuruaat yahi thi.

Mera koi saga bhai nahi hai aur jiske baare mein main likh rahi hoon wo mujhe internet par mila tha. Us waqt main internet sirf YouTube aur TikTok ke liye use karti thi aur PUBG jaise games mein mera interest zero tha. Meri best friend Yashu, jiske saath maine school se lekar post-graduation tak sab saath kiya, uski life ek dhoke ki wajah se bilkul badal gayi thi. Jab maine use suicide karne ki koshish karte dekha toh main darr gayi aur Google par solution dhoondte huye mujhe "Silent Writer" ke Love Guru blog ka pata chala. Maine unhe message kiya aur jab unhone Yashu se live chat par baat ki toh mahino baad maine Yashu ke chehre par muskaan dekhi. Main unki posts padhne lagi jo unki personal diary ka hissa hoti thi aur mujhe laga ki koi 45 saal ka experienced aadmi hoga, lekin jab maine Sunday ko chat par unse poocha ki aapki age kya hai, job kya hai aur city kya hai, toh unhone bataya ki unka graduation chal raha hai aur wo sirf 20 se 22 saal ke hain jinka asli naam Vaibhav hai. Meri hairani ka thikana nahi tha ki mujh se chhota ladka itni maturity se baat karta hai. Unki baaton ka asar mujh par bhi hone laga, jaise us din jab maine ek gareeb bache ko pizza khilaya aur usne apne self-respect ke liye mujhe 10 rupaye diye. Maine unse pucha ki aap apni identity kyon hide karte ho, toh unhone simple jawab diya ki main blog aur personal life mix nahi karna chahta kyunki log pehchan lenge toh problem hogi. Wo bina kisi publicity ke bas logon ki madad karna chahte the aur unke usi PUBG wale Ace dream ne aage chalkar meri zindagi ka sabse bada target ban jana tha.

Ek ad.

Ek blog.

Ek Silent Writer.

Aur ek naam Vaibhav.

Us waqt mujhe bilkul andaza nahi tha ki ek din PUBG ka wo Ace tier mere liye sirf ek game ka rank nahi, ek zimmedari ban jayega. Vaibhav se baat ab regular hone lagi thi, kabhi blog ke personal chat mein toh kabhi discussion ke through; wo kabhi zyada baat nahi karta tha par jitni karta tha seedhi karta tha aur jab bhi main uski tareef karti thi toh wo turant topic change kar deta tha. Uski ek alag hi duniya thi jahan wo batata tha ki kaise har problem ka solution ek jaisa nahi hota aur kaise same baat ko alag nazariye se bolna padta hai. Kabhi kabhi mujhe lagta tha wo khud kitna kuch jhel chuka hoga par jab maine casually pucha ki kya usne life mein bura waqt dekha hai, toh usne bas "Ji, bahot bura" likh kar topic khatam kar diya. Uski life ka ek fun part PUBG tha jiske baare mein baat karte huye uski typing speed badh jaati thi aur wo sapna dekhta tha Ace complete karne ka. maine mazaak mein kaha bhi tha ki main complete kar dungi tumhare liye par tab mujhe nahi pata tha ki ye mazaak ek din sach ban jayega. abhi tak me usake blog moderator role nibha rahi the daily basis pe. time har roj ki tarah beet raha tha. wo apne kam ye personal life me busy rehane laga jyada dhyan nahi de pa rha tha blog pe to me handle kar rahi thi moderation. Phir ek din uska message late aaya aur do din tak koi reply nahi aaya toh mujhe darr lagne laga aur phir pata chala ki wo coma mein hospital mein admit hai. Coma word sunte hi mere haath thande ho gaye kyunki wo ladka jo sabko samjha raha tha wo khud chup ho gaya tha. Meri life ka sabse bada coincident ye tha ki wo jis hospital mein admit tha wo mere hi city mein tha, isliye maine aur information nikali aur hospital pahunch gayi. ICU ke bahar machines ki awaaz aur sanitizer ki smell ke beech jab main uske bed ke paas gayi toh wo bilkul shaant aankhein band kiye pada tha. Maine uska haath pakda aur kaha, "Vaibhav... main Suhani," par koi response nahi aaya toh main wahan baith kar usse baat karne lagi ki tumne Ace complete karne ko bola tha par abhi tak nahi kiya na. Wahan uske paas uski family ya uske city ka koi bhi nahi tha aur doctors se baat karke pata chala ki usne apni body donate kar rakhi hai isliye uska treatment research purpose ke liye free mein ho raha hai. Is moment tak mujhe kuch samajh nahi aa raha tha ki kya karu; pehle mann mein aaya ki uski family ko dhundu par phir laga ki ye uski khud ki choice hogi isliye maine wo idea cancel kar diya aur wahan se dher saare sawalon ke saath nikal gayi.

maine bohot din usse milne aaye hospital me akele usee bate krti thi lekin response kuch nahi. aise he din bit rhe the mera milne aana akele bate krna waise tha . maine usake liye hospital me hi game downlod kiya . usake mobile me koi lock nahi tha to PUBG open krke usaka game me tier check kiya crown tha. uska tier check krne ke liye mujhe 5 minute lage youtube se dekh vagira aakhir me dekh liya. ye game mere liye complete new tha lekin ab isko sikhana hai mujhe.maine game download kiya. Game open hua to mujhe kuch samajh nahi aaya. Controls ajeeb. Map confusing. First match me utarte hi mar gayi. Mujhe gussa aaya. Maine phone side me rakha.

Phir mujhe yaad aaya wo kitni baar fail hota tha aur phir next match start karta tha.

Maine decide kiya main seekhungi.

Maine apna in-game naam rakha SabMohMayaHaiB.

Game me random log milte the. Dheere dheere mujhe regular log mil gaye. Pramod, Vinod aur Balvindar ,Patil. wo sab ek dusare ko jante the me unake team me random aye thi. match hamne contninue khelna start kar diya. Unhone pehle din hi samajh liya ki main new hoon. Wo guide karte the. "Yaha landing karo." "Cover lo." "Rush mat karo." Main chup chaap follow karti thi.

Din me hospital. Shaam ko PUBG.

pubg ek aisa game hai jisme cordination ke sath khelna padta hai game pe option hota hai ki aap chating karke coversatioon karo ya direct mic open karke bat karo. lekin mere case me mujhe mic allowed nahi tha mere mobile me custom rom thi jisme me mic usa nahi kar sakti thi to me mere teammates me text type krke bate karti thi. koi pubg player hoga to usako ye bat pata hogi ki pung game me mic open karke bat karna kitna important hota hai. lekin mere case me posiible nahi tha fir bhi wo log mere sath khelte the . ye silsila bohot time tak chala. insab me mujhse sabse jyada karib pramod tha jo mumbai ka tha IT sector se he related tha.

usaki mere banti thi. ham sab log us time tiktok ke liye contetnt record karte the lekin mera mobile utana high configuration nahi tha ki game ke sath recording bhi karu.to game freeze hota tha heat karta tha. jitna possible hota tha ham roj time niakalke game me online aate the.

Main har roz hospital jaati thi. Uske paas baith kar use match ka pura seen sunati thi. "Aaj top 20 aayi." "Aaj 2 kill kiye." "Aaj galti se grenade khud pe gira liya."

Wo kuch nahi bolta tha. Par main bolti rehti thi.

Doctors ne ek din mujhe poocha kya main uske liye voice recordings de sakti hoon. Maine ghar ja kar uske liye messages record kiye. Normal baate. Kabhi daantna. Kabhi hasi.

lekin shayad me kafi nahi thi. usako meri nahi kisi or ki jarurat thi. usaki 3 behen thi jo usake college se thi. sagi nahi the lekin usike college ki thi. Megha , sakshi , Gouri jinko usane blog me alag nam diya tha mahi matlab megha , gunjan matlab gouri. sakshi matlab scarl. scarl ek gun ka name hai jo pubg me hai. basically usane sabke initial name se sabke name blog pe use kiye the. admit se pehele vaibhav ka tino ke sath kuch disscussion hua ya kya hua pata nahi tha mujhe lekin itna pata tha ki wo tino vaibhav ke bohot karib the . vaibhav ke mobile se kuch try krane pe mujhe megha sakshi gauri ke call recordning mile jo bohot bada help karne wali hi. sath vaibhav ke blog section me tino se related post hai ko wo tin behene kon hai kaise hai. mujhe blog se ye pata chala to tha ki ab gouri or mahi se kuch help possible nahi bachi sakshi . shayad usse help ho sakti thi. maine ravi se bat chit start ki unknownly wo reply bhi kar raha tha. ravi sakshi friend the jante the ek dusre ko isliye wo help karne ke liye ready ho gaya. salshi se direct maine baat nahi ki kyunki ab wo kaise modd me hai kaise hai pata nahi tha. to rai he best laga mujhe us time. ravi ne sakshi ki behen se contact kiya. koi divyansi thi sakshi ki chachi ki ladki the shayad lekin usse bhi kuch bat nahi ho paye sakshi se . uper se ravi ne kisi tarah se sakshi se bat ki help mangi lekin sakshi ne saf mana kar diya . ye mere liye expect nahi tha kyunki baki 2 behen ka kuch reason accept tha lekin sakshi ke sath to vaibhav ke ace reaktion the to fir bhi usane help nahi kiya . reason diya ki wo mentally stable nahi hai. kya hi reason tha ab mujhe is mamle nahi pata tha jyada to maine chod di koshish karna he. sab kismat pe chod diya

Mera PUBG ka safar jari tha aur Ace tier ke paas pahunchna bilkul bhi aasan nahi tha; bahut baar last circle mein marne par frustration hota aur kabhi toh phone pakad kar ro bhi deti thi, par phir socha ki ye mera game nahi, ye uska sapna hai. Ek raat jab final push chal raha tha aur points bas thode se chahiye the, tab team bahut serious thi aur last circle mein sirf main bachi thi; mera heart itna fast dhadak raha tha ki mujhe apni breathing headphones mein sunai de rahi thi, phir maine aim lagakar fire kiya aur screen par "Winner Winner Chicken Dinner" likha aaya. Thodi der baad Ace tier achieved ka notification mila; is achievement mein sabse zyada help karne wala Pramod tha, jisne game mein bot kill dene se lekar cover dene tak meri bahut madad ki, halaki maine use apni asli photo nahi dikhayi thi kyunki tab online photo share karna mujhe sahi nahi laga tha par use meri shakal se koi lena-dena nahi tha, wo bas ek sacche dost ki tarah mere saath tha—thank you Pramod. Jis match mein mera Ace complete hua usme wo saath tha aur usiki wajah se ye possible ho paya. Maine us memory ka screen record karke online upload kiya toh mujhe millions mein views aaye, par Ace complete hone par main kuch seconds tak screen dekhti rahi aur meri aankhon mein aansu aa gaye kyunki jab tak Vaibhav hosh mein nahi aata tab tak ye asali khushi nahi thi. Agle din main hospital gayi aur uske paas baith kar dheere se bola, "Writer, Ace ho gaya"—unka blog name Silent Writer tha isliye sab unhe Writer hi bulate the. Kuch din baad doctors ne bataya ki unmein response aa raha hai aur therapy ke dauran unhe unki teenon behno ki call recordings sunayi ja rahi thin; phir ek din achanak mujhe call aayi ki "Patient ne aankhein kholi hain, aap jaldi hospital aa jaiye."

Main jaldi se hospital pahunchi. Wo weak tha. Aankhen dheere dheere khuli. Mujhe dekh kar pehchaan nahi paya shayad turant. Par phir dheere se thode time bad mere aavaj se pehchan gaya wo hamara first meetup tha jab wo aakhe khole huye mujhe dekh rha tha , usane pucha Suhani ? blog wali ?. maine ha me javab diya .me kuch or bolti usse pehele hi doctors ne shant rehene bola . kaha ki sab log romm se bahar raho kuch der tak. or mujhe samjhaya ki abhi kuch bhi aisa topic na nikale jisse stress ho usko. doctors ne precaution or baki chije bata rhe the lekin mera man usme nahi tha mujhe usse bate karni thi lekin doctor ne mana kiya . shayad wo sahi the lekin ... maine doctor ki baat man li.. doctor ne kaha ki use brain se related issue ki chalte ab usako arrethmia detect hua hai . isme person ki heart rate achanak se low 45-50 tak jati hai ya phir high hojati hai 150-180 matlab karib heart attack ke karib. jab maine last story me achanak heart rate badhane ka jikar kiya tha wo usi vajh se tha . is bare me or pata karne ke bad pata chala is problem me koi solution nahi hai. bas precaution le sakte hai. koi operation ya tretment kam nahi karegi. worst case me angiography ya angioplasty jaise operation karna pdega jisme artificial objects heart me insert karna hoga. matlab ek problem se chutkara mila tha ki dusri start jo kabhi kahatam nahi hogi na usaka koi solution hai. doctor ne thodi der bad mujhe bulake khud bataya ki me usee mil sakti hu. lekin precaution ke sath. je wo time tha jab india me lock down lagane ke dinn the bahar aana jana sab mana tha hogya tha . jisko covid pandamic bolte the tab.

jab usse milene gaye ward me to shuruwat kaise ho se kiya. jab itne din akele bol rahi thi to lagata tha wo bol nahi raha ab bol sakta hai wo to laga raha hai mujhe ab kya bolu me. ajeeb problem hai. bate chalti rahi dhere dhere . maine jayada bat na krna hi thik samjha vrna konse bat kya asar karegi pata nhi thi mujhe. wo mobile leke bohot logonse contact kar raha tha call message vagira sab kar rha tha shyad khude bare me update de raha hoga. itne din me ek baat notice ki maine ki iske kisi family ya friend ya koi bhi jo call karke iski halat puche aisa ek bhi call nahi aaya. matalb ajeb lagta hai jo insaan bohot logonki help karta hai usake halat puchne wala koi nahi hai. shurwat me jyada bate nahi horahi thi hamari lekin bad me normal hogya. maine ace complete ke bare me bataya,

Usne halka sa smile kiya aur us waqt mujhe laga ki destiny shayad sach mein hoti hai; wo blog jahan se main usse mili thi, wo random ad aur garden ka wo 10 minute bekar nahi tha kyunki PUBG sirf ek game nahi balki ek thread tha jo mujhe usse jod ke rakha hua tha jab wo khud bol nahi pa raha tha. Aaj bhi jab main game open karti hoon aur apna naam 'SabMohMayaHaiB' dekhti hoon toh yaad aata hai ki sab moh maya nahi hota, par kahani wahan khatam nahi hui thi kyunki hospital ka room aur uska weak face ab bhi fragile tha aur doctors ne clear kaha tha ki recovery slow hogi. Main roz jaati thi aur ab use dekh kar bolti thi, toh kabhi meri baat sun kar wo halka sa eyebrow raise karta; ek din jab maine mazaak mein kaha ki main pro player ban gayi hoon toh usne halki si muskaan ke saath dheere se pucha, 'Ye sab kyu kiya, koi vajah?' jisaka jawab meri aankhon ne de diya. Recovery easy nahi thi, coma mein khane aur waste ke liye pipes judi thi par ab jab main ghar ka khana leke ja rahi thi toh wo thik se kha nahi pa raha tha. Maine Gouri ko hospital leke aayi thi jisko pehle hum 'Mithu' (Marathi mein tota) bolte the aur chacha ji ne use 'Anshika' naam diya tha par koi naam fix nahi tha, toh jab Vaibhav ne pucha toh usne uska naam 'Gouri' rakhne ko kaha aur maine maan liya. Abhijeet bhi usse 3-4 baar milne aaya aur jab Vaibhav ne unhe 'Jiju' kaha toh mujhe laga ki haan mera bhai hai par phir yaad aaya ki wo sabko behen category mein hi dalta hai. Blog se usne gap le liya tha kyunki usme logon ki problems lene ki energy nahi bachi thi aur jab recovery thodi better hui toh wo hospital ke corridor mein 5-6 steps chal kar thak jata tha par rukta nahi tha; phir ek din shaam ko usne mujhse pucha, 'Ace ka screenshot hai?'

Maine phone nikala. Dikhaya.

Usne kuch second tak dekha. Phir bola, "Tumhara naam kya tha game me?"

"SabMohMayaHaiB." (Sab Moh Maya Hai B) ye name se he mujhe game me sab bulate the sabne mujhe moh maya hi name diya tha. in game sab mujhe moh maya hi bulate the.

Wo halka sa smile kiya. or chup ho gaya. Uski hasi wapas aa rahi thi. Dheere dheere. Yashu bhi usse milne aayi thi ek din. Usne directly thank you bola. Vaibhav ne sirf itna kaha, "Tum strong thi. Bas yaad dilana tha." yashu or bhi baat nikal rahi thi lekin maine bich me aake bad me bat karo is bare kehe ke topic change karaya. Main side me khadi thi. Mujhe yaad aaya garden ka wo din. Agar us din wo 10 minute nahi hote to shayad aaj ka din nahi hota. Time ke saath wo ghar aa gaya. Kabhi call pe baat hoti thi. Ab baat sirf philosophy wali nahi hoti thi.Normal life wali bhi hoti thi.Ek din maine poocha, "Ab Ace complete ho gaya. Next kya?"

Usne kaha, "Next? Ab normal life."

usane kaha ki kya aap mod (admin banogi mere blog ki ) kuynki me kuch time inactive rehne wala hu to kya manage karogi. iske bad hamare bohot der tak bat huye is bare me maine ha kaha tha us time. ye bate kabhi kisi or story me bat karte hai. filal abhi ace tier me the ham.

PUBG usne kuch time baad phir se open kiya. Par is baar wo pehle jaisa obsessed nahi tha. Wo match start karta, thoda khelta, phir band kar deta. Jaise uska mission complete ho chuka ho.Ek baar usne serious tone me kaha, "Tumhe pata hai mujhe sabse zyada kya yaad hai coma ke time ka?" Maine poocha, "Kya?"
Usne kaha, "Ek awaaz. Jo baar baar bol rahi thi 'Hero uth jao.'
" Meri aankhon me pani aa gaya. Maine kabhi socha bhi nahi tha meri awaaz us tak pahunch rahi thi. Wo kehta tha destiny pe believe karta hai. Main argue karti thi. Par us phase ke baad main bhi argue nahi kar paayi. or mujhe bohot sare wo bhi yaad aagye jo maine comma me tha tab bate ki thi usse kyunki maine bohot kuch bola tha phase me.matlab iase baate bhi jo senseless hai pagal insan ki taraf bhi bohot kuch bolti thi me jiska kuch meaning nahi hota tha sar pair nahi hota tha. to wo sab baate wo sun sakta tha ot wo mere bare vahi sochega

Kabhi kabhi main sochti hoon agar us din silent writer se anjane me mulkat bog me nahi hiti to aaj itna sab possible nahi hota tha. Agar main Yashu ko garden nahi le jaati to? Agar maine PUBG download nahi kiya hota to?

Shayad Ace tier bas ek game ka badge hota. Shayad ek sapna adhura reh jata.Par ab jab main peeche mud kar dekhti hoon, to lagta hai sapna game ka nahi tha. Sapna zinda rehne ka tha. Sapna wapas aane ka tha. hum dono ne apna apna part nibhaya. Main Suhani hoon. Aur meri life me ek blog comment ne ek bhai diya. Ek game ne ek promise diya. yashu ki life use vapas pehele jaise krdi. Vaibhav jab hospital se discharge hua tha. Par jaise hi condition stable hui, use uske khud ke city wapas le gaye. Hamari cities alag thi. Distance suddenly real ho gaya. wo maharashtra me MP 1000 se jyada ka distance. pata nahi kab vaps kab mulakat hogi . hogi bhi ya nahi. kyunki yaha ane ka kuch reason bhi nahi hai.

Us din jab wo jaa raha tha, doctor ne maine use bohot bola ki woo ambulance se jaye apne ghar lekin usane kisi ki nahi mani. Bhopal se uske city ka distance coover karne me bohot time lag jata hai train se he 24 -26 hour matlab kari ek pura din nikal jata hai. aise me ambulance se traval matlab bohot kharcha. to isi vajah se usane train choose kiya tha. itne din roj dekhne ke bad aise usako dur jate dekh acha nahi laga mujhe lekin isme ab kuch karne jaise nahi tha wo apne city se aaya tha to vapas bhi jana padega usako to rokne ke matlab nahi banta ab. life kabhi kisike liye wo feel nahi wo jo ab is insaan ke liye ho rha hai . wo achanak se life me aaya hai lekin ek ghar kar gaya hai meri life me. wo apne city chala gaya. train ka suffer bhi safe nahi tha usake liye waise kyunki ek din ka travel usame agar usako kuch hua to train me koi kaise help karega usaki. lekin wo kisiki bhi bat nahi man ke akela chala gaya. maine abhijeet se isake bare me bola lekin unki bhi baat usane nahi mani aakhir kahane hi har manli usake samne. kyunki option pucha usane to option tha nahi hamare pas. hamare taraf se uske sath koi jana possible nahi tha. na hi usake city se yaha koi aa sakta tha.

Uske baad hum phir se screen ke do side ho gaye.

Pehle main roz hospital jaati thi. Ab main roz uska "online" status dekhti thi. Uska ghar dusre sheher me tha. Recovery waha continue hui. Main apne city me thi. Kabhi kabhi train ka distance map pe dekh kar sochti thi, "Itna sa hi to hai." Par life itni simple nahi hoti. Ek baar maine casually kaha,
"Kabhi milte hain properly."
Wo thoda chup raha. Phir bola, "Abhi nahi. Abhi sab normal hone do."
Mujhe samajh nahi aaya tha us waqt. Par shayad wo apni family, apni privacy, apni space protect kar raha tha. Wo hamesha blog aur personal life separate rakhta tha. Shayad mujhe bhi us boundary me rakhna chahta tha.maine jaab usake stories padhe to samjh ata hai ki usane meri beti ka name sugeest gauri kyu kiya. wo shayad usko bhulana nahi chahta tha.

Par distance ne rishta kam nahi kiya. Bas shape change kar diya.

Ab hum hospital ke room me nahi milte the. hamari bat blog me hoti the.. Main kehti, "PUBG open hai."

Wo hasta, "Ab bhi?"

Kabhi kabhi hum same time pe game open karte the. Wo spectator ban kar dekh leta tha. Guide karta tha. "Left se aayega." "Smoke daalo."

Par wo khud serious nahi khelta tha. Jaise uska chapter complete ho chuka ho.

Ek baar maine usse seedha poocha, "Tum milna kyon avoid karte ho?"

Usne seedha jawab nahi diya. Bas bola, "Har rishta har format me perfect nahi hota. Kuch rishton ko distance suit karta hai."

Mujhe thoda bura laga. Thoda samajh bhi aaya. ye insan ke baare me mujhe ke baat saf pata chali ye insaan kabhi kisi ko khud ke bare me jyada information ya bate share nahi karta . aisa nahi hai ki kuch security ya privacy jaisa kuch ho lekin bas wo nahi karta.. usko kuch share karna acha nhi lagta . usane ab tak pata nahi kitne logonko help kiya hoga lekin credit ya usake baree me abhi khudki tarif nahi krta . wo jara intrivert bhi hai jara nahi pura hai.jitna me usko blog pe bat karti thi tab wo alag mehsus hota tha or jab usake samne jao to alag feel hota hai. ek baat jarurr hai ki jis insaan ab tak itne logonko help kiya hai wo aise nahi kiya iske liye wo khud waise situation gujara hoga tab jale itne maurity aaagye hai usako.

Hum blood relation nahi the. Hum officially kuch nahi the. Bas ek connection tha. Shayad usne socha ki us connection ko safe rakhne ka best tareeka tha use simple rakhna.

Yashu ek din boli, "Tum dono mile bhi nahi properly aur itna sab ho gaya."

Maine kaha, "Milna zaroori nahi hota."

Kabhi kabhi main sochti hoon, agar hum same city me hote to shayad kahani alag hoti. Shayad zyada simple. Shayad zyada complicated.

Par ab jo hai wo real hai.

Wo apne sheher me apni life jee raha hai. Main apne sheher me. Kabhi kabhi din bhar baat nahi hoti. Kabhi ek choti si baat pe 2 ghante call.

Ek baar usne mujhe kaha, "Tumne jo kiya, wo yaad rahega."

Maine kaha, "Tumne jo shuru kiya, wo bhi."

usane promise kiya tha mujhe ki wo 1 year me bhaiduj or rakshabandhan pe milne ayega mujhse milne. usane jo promise kiya hai sahyed usake liye bhi meri kisamt achi hai jo usake layak bhi mana hai usane mujhe.

Humne kabhi officially decide nahi kiya ki hum kya hain ek dusre ke liye. Par jab bhi life heavy lagti hai, hum ek dusre ko online bat karlete the maine usse kabhi call pe bat nahi thi. or wo call pe jyada bol bhi nahi payega introvert hai wo isliye to blog pe hi bat ho rahi thi hamari.

Kabhi kabhi raat me main PUBG open karti hoon. Lobby me khadi character ko dekhti hoon. Username ab bhi wahi hai.

SabMohMayaHaiB.

Aur mujhe lagta hai shayad sab moh maya nahi hota. Kuch rishton ka physical milna zaroori nahi hota. Wo screen ke do taraf reh kar bhi utne hi sach hote hain.Distance ne hume alag city me rakha.Par usne hume alag nahi kiya.kuch mahine bad bhaiduj hai mujhe usaki besabri se intjarr hai lekin ab samjah nahi arrha hai ki jab milungi tab kya baat karungi usse ... jo hoga dekha jayega .. kyunki ab tab jo hua hai wo konsa planned tha to sab jo hoga dekha jayega.

to aaj ke liye itna he sone ka time hogaya hai.. bye bye muuumhaa... i love my self... ibelive in my self... good night tata tata bye bye...