Date: 27 Apr 2020
My Wishes ....
Wishes toh bahut hain lekin unhe complete karne wale wo log aaj mujhse door hain. Wish matlab wo sapne jo aap bhagwan se mangte ho ya phir un sapno ko poora hone ki chahat rakhte ho. Maine zindagi mein zyada bade sapne nahi dekhe, bas chhote-chhote sapne hain jo poore hone ka intezar hai. Nahi pata poore honge bhi ya nahi, lekin sapne dekhne mein kya jata hai? π Agar meri destiny mein likha hoga toh zaroor poora hoga.
Destiny? Aakhir destiny mein likha kya hai? Pata nahi, bas shayad history ka rewind hona likha hai. Kaash wo pal rewind ho jayein jab maine apno ke saath waqt bitaya tha. Mahi didi aur Gunjan ke saath bitaya har pal mujhe wapas jeena hai. Kaash ye ho paye.
Wish No. 1: Mahi Didi
Agar main wahan (hospital) se zinda nikalta hu, toh aane wali Bhaiduj pe unse milna hai. Humara rishta toot gaya hai lekin mujhe apne rishte par itna bharosa hai ki agar main Bhaiduj pe unke ghar jaun, toh wo mujhse zaroor baat karengi. Wo baat jo maine saalo pehle kahi thi, wo poori ho. Mujhe unke bhai ke saath milkar Bhaiduj ke saare riti-riwaaj nibhane hain. Aaj tak maine unhe koi gift nahi diya, par is baar try zaroor karunga.
Mahi didi ne bahut pyar diya mujhe. Wo khud chahe takleef mein hon, par dusron se kabhi nahi bolti thi. Wo hamesha kehti thi ki haste raho, gham toh zindagi bhar rahenge. Unko khush dekhna hai mujhe. Sasural jane ke baad unko mujhse rishta todna pada kyunki unke pati ko pasand nahi tha ki wo kisi bahar wale se baat karein. Koi baat nahi, mere mann mein unki jagah hamesha rahegi. Unki wo baatein, jokes, masoom chehra aur badi bahen ki trah samjhana bahut yaad aata hai. Wish hai ki kabhi milna hua toh Bhaiduj pe milna hai unse.
Wish No. 2: Gunjan se Sorry kehna hai
Gunjan meri wo behen hai jo Mahi ki tarah mujhse door hai. Gunjan ki zindagi mein ek aisa incidence hua tha jahan wo apne kisi khas ke accident ke waqt un tak nahi pahonch payi thi aur unhe kho diya tha. Jab mere treatment ka last waqt tha aur mujhe usse baat karni thi, tab wo shayad wahi past rewind kar rahi thi. Usne mujhse call par baat toh ki, lekin treatment ke baad usne rishta todne ko bola. Reason ye tha ki wo aisi situation phir se repeat nahi karna chahti. Agar future mein mujhe kuch hota hai aur wo mere paas nahi rehti, toh wo khud ko maaf nahi kar payegi.
Meri wish hai ki usse maafi mangu. Gunjan, mere aakhri palon mein maine tujhe yaad kiya tha par maine tujhse contact karne ki koshish nahi ki thi, mere friends ne kiya tha. Uske liye sorry bolna hai. Mujhe Gunjan ka swabhav pata hai, wo kisi ko doosra mauka nahi deti. Jise mann se nikal diya, use hamesha ke liye bhool jati hai. Shayad wo mujhse baat na kare, lekin meri wish hai ki wo ek baar baat kare. I wish...
Wish No. 3: Sakshi ko har khushi deni hai
Sakshi meri zindagi ki last destiny writer hai. Usse baat kiye mahino ho gaye hain. Last time wo gusse mein thi aur uske baad maine contact nahi kiya. Maine use bahut bar bola tha ki wo meri last hope hai, meri last destiny writer hai. Lekin wo sab bhool jati hai. Gussa bahut aata hai use aur gusse mein wo bahut kuch bol deti hai. Last time jab baat hui toh chhoti si baat pe gussa hoke usne bolna chhod diya. Maine gusse mein kuch bolna us waqt thik nahi samjha.
Maine usse bahut pehle kaha tha ki agar koi mujhse gussa hota hai toh main samne wale ka hi intezar karta hu bolne ka. Iska matlab ye bilkul nahi hai ki main expect karta hu ki samne wala jhuke, par aksar jab maine manane ki koshish ki hai toh wo insaan meri zindagi se hamesha ke liye chala gaya. Isliye main ab Sakshi ke message ka intezar kar raha hu. Sakshi abhi chhoti hai, uska bachpana nahi gaya aur uski yahi baatein mujhe acchi lagti hain.
Meri apni sagi bahene mujhse badi hain, isliye ek chhoti bahen wala rishta kabhi nahi ban paya. Sakshi ko main sirf bolne ke liye behen nahi bolta, wo meri chhoti behen hi hai. Kaash wo meri sagi behen hoti. Ek bhai ke liye chhoti behen hone ki feeling kya hoti hai, wo sirf ek bhai hi samajh sakta hai. Bada bhai hone ke naate main uske liye har cheez karne ko taiyar hu. Jo wo chahe wo dena hai use, bhale wo koi cheez ho ya koi khushi. Uski awaaz bacho ki tarah hai jo bahut cute lagti hai. Uska mujhe Bhaiya bolna dil ko jo ehsas deta hai, wo main words mein nahi bol sakta.
Sakshi se meri mulakat exams mein hui thi. Main ladkiyon se zyada baat nahi karta, par pata nahi kyun usse bahut jaldi attach ho gaya. Usse main freely baat kar sakta hu bina ye soche ki samne mere ladki hai toh kaise baat karu. Gunjan aur Mahi se main WhatsApp pe freely baat karta tha par samne aane par utna nahi, lekin Sakshi ke saath aisa nahi tha. Ek chhoti behen ka ehsas wo mujhe dilati hai. Exam break mein jab hum chocolate ya snacks lene jate the, toh choice uski hoti thi aur main sirf paise deta tha. Wo aksar chips leti thi. Tab sach mein aisa lagta tha jaise main apni behen ke liye dukan se kuch kharid raha hu. Bas mujhe samajh gaya main kya bolna chahta hu. π€£π
Wish hai ki Sakshi ab bolna chhod chuki hai, par wo mujhse baat kare. Wo meri last hope hai. Agar koi bhagwan mujhse wish maangne ko bole, toh main use apni sagi behen banane ko bolunga. Gunjan aur Mahi mujhse badi hain, unse wo type ka rishta nahi ban sakta jaisa Sakshi ke saath ban sakta hai. Main uske saath jhagda kar sakta hu, use pyar se maar sakta hu aur uski har pasand ki cheez use dena chahta hu. Possible hua toh use apne ghar bulana hai aur apni baheno ke saath usse bhi rakhi bandhwani hai. Bada bhai hone ke naate main use har buri cheez se door rakhna chahta hu. Wish hai ki ye wish poori ho. π€