Date: 10-Sep-2019
Aaj main apne blog ke owner, Dream Vaibhav, yaani hamare "Silent Writer" ke baare mein baat karne ja rahi hoon. Yeh meri life ki sabse badi aur sabse khaas story hai. Sach kahoon toh main koi professional writer nahi hoon, par is kahani ko likhna mere liye bahut zaroori tha. Meri zindagi ki bahut si yaadein is shakhs se judi hain aur main chahti hoon ki woh hamesha ke liye is kahani ke zariye mere paas mehfooz rahein. Mujhe yaad karne hain woh pal jo maine apne is bhai ke saath bitaye, usse mujhe jo seekh mili aur kaise usne ek farishta ban kar meri best friend Yashu ki jaan bachayi.
Kahani ki shuruat se baat karti hoon. Main ek bahut hi simple ladki thi jisne Candy Crush aur Subway Surfers jaise games ke alawa kabhi kuch nahi khela tha. Internet ka matlab mere liye sirf YouTube par Bollywood gaane dekhna tha. Din ka 1GB data bhi mujhse kabhi khatam nahi hota tha. Lekin meri zindagi tab badli jab meri bachpan ki dost Yashika (Yashu) ek bahut badi mushkil mein phans gayi. Humne school se lekar college tak sab saath kiya tha, lekin internship ke dauran use ek ladke se pyaar hua aur badle mein sirf dhoka mila. Yashu itni toot gayi thi ki usne apni zindagi khatam karne ka mann bana liya tha. Us waqt, jab saare raste band lag rahe the, tab hamari zindagi mein entry hui "Silent Writer" ki.
Silent Writer ek blogger tha jo online logon ki problems solve karta tha. Woh ek "Troubleshooter" ya "Love Guru" ki tarah tha jo bina kisi swarth ke logon ki madad karta tha. Jab maine usse baatein shuru ki, toh mujhe yakeen hi nahi hua ki internet ki duniya mein koi itna samajhdaar aur itna saaf dil bhi ho sakta hai. Woh har baat ko aise nazariye se dekhta tha jo hum jaise logon ki samajh se bahar tha. Maine kai baar usse pucha ki woh itna popular kaise hai, par uska hamesha ek hi jawab hota tha "Kaam se pehchan banti hai, naam mein kya rakha hai?"
Woh mujhse umar mein 3 saal chota tha, magar uski baaton mein ek purane tajurbe wale insaan jaisi gehrai thi. Woh apni personal life ko hamesha parda rakhna chahta tha. Maine kai baar koshish ki uska asli naam ya uska sheher janne ki, par woh hamesha baat ghumadeta. Uska manna tha ki blog ki duniya aur asli duniya alag honi chahiye. Usne mujhe sikhaya ki har rishta khoon ka nahi hota. Uske phone mein "Mahi", "Gunjan" aur "Scar L" (Sakshi) naam ki teen behene thi. Yeh uski mu-boli behene thi, lekin woh unhe apne sage bhai se bhi zyada maanti thi.
Vaibhav ne mujhe bataya tha ki "Apne se zyada takleef mein jo log hain unhe dekho, toh tumhara dard chota lagega." Usne hi Yashu ko us andhere se nikaala aur use zindagi jeene ka naya raasta dikhaya. Aaj jab main 2019 ke un dino ko yaad karti hoon, toh mujhe lagta hai ki kismat ne hi mujhe usse milwaya tha. Woh ek aisa bhai tha jise maine kisi ghar mein nahi, balki internet ki bheed mein dhundha tha. Uski niyat aur uski insaniyat ne meri poori soch badal di thi.
Yeh sirf ek story nahi hai, yeh meri aur mere bhai ki yaadon ka ek hissa hai jise main kabhi khona nahi chahti. Silent Writer ne mujhe sikhaya ki duniya mein bhale hi bure log hon, par achhai aaj bhi zinda hai.
Waqt guzarta gaya aur Silent Writer se meri baatein ab roz ki aadat ban chuki thin. Shuru-shuru mein toh main sirf Yashu ki tension mein usse baat karti thi, par dheere-dheere mujhe ehsas hua ki woh sirf Yashu ki hi nahi, balki meri bhi life mein ek zaroori hissa banta ja raha hai. Woh aksar kehta tha, "Suhani, har sawal ka jawab turant milna zaroori nahi hota, kabhi-kabhi waqt ko thoda waqt dena chahiye."
Maine dekha ki woh insaan kitna ajeeb aur kitna pyaara tha. Ek taraf woh hazaron logon ko advice de raha tha, aur doosri taraf woh khud ko itna chhupa kar rakhta tha ki kabhi-kabhi mujhe darr lagta tha ki kahin woh koi sapna toh nahi? Maine ek din usse pooch hi liya, "Vaibhav, tum itne logon ka dukh sunte ho, kya tumhara mann kabhi bhari nahi hota? Tum apna bojh kiske saath share karte ho?" Usne thodi der khamosh rehne ke baad jawab diya, "Suhani, mera sukoon doosron ki muskurahat mein hai. Jab koi kehta hai na ki meri wajah se aaj woh khush hai, toh mera saara bojh apne aap halka ho jata hai." Uski isi niyat ne mujhe uska fan bana diya tha. Isi dauran maine uski un teen behenon ke baare mein aur bhi baatein suni. Mahi, jo uski sabse badi support thi; Gunjan, jo bilkul mu-phat thi par dil ki saaf thi; aur Sakshi, jo uski sabse choti aur ladli behen ki tarah thi. Vaibhav unke baare mein aise baat karta tha jaise woh uske sage parivaar ka hissa hon.
Ek din hamari baat kismat par ho rahi thi. Maine kaha, "Main kismat par yakeen nahi karti, mehnat hi sab kuch hai." Tab usne has kar kaha, "Mehnat zaroori hai, par kabhi-kabhi kismat humein aise mod par laati hai jahan mehnat ki nahi, sirf ek sahi insaan ke sath ki zaroorat hoti hai. Jaise tumhara aur mera milna." Uski us baat ne mujhe sochne par majboor kar diya. Sach hi toh tha, agar Yashu ke saath woh hadsa na hua hota, toh shayad main kabhi is blog tak nahi pahunchti aur na hi kabhi is "Silent Writer" se milti.
Maine usse yeh bhi seekha ki insaan ki asli doulat uska paisa nahi, balki woh log hain jo uske bure waqt mein uske saath khade rahein. Woh kehta tha ki usne apni life mein bahut bura waqt dekha hai, shayad isiliye woh itna samajhdaar ho gaya tha. Bhale hi woh mujhse age mein chota tha, par uski baaton se lagta tha jaise usne kai zindagiyan jee li hon.
ab tak maine mere age me bare me kuch bataya nahi tha shayad jitna mujhe yad hai ya phir bataya hoga to bhi usako yad nahi rahega kyunki usako daily bohot messages aate hai to shyad yad nahi hogi meri age me isliye bol rahi hu kyunki wo mujhe suhani keh ke hi baat kar raha tha use yaad nahi hai ki me uuse badi hu. aisa kuch nahi hai ki mujhe isse issue hai ya bura laga lekin wo nam se baat kar rha tha lekin yashu ko wo choti samjha raha tha ye bat hasi dilate thi kyunki ham dono sam aged. me bas blog pe bas khudki diary likh rahi thi or kabhi kabhi logonki basic question ke answer de rahi thi. Ab hamari dosti ek aise mod par thi jahan hum bina kahe ek-doosre ki baatein samajhne lage the. Woh mera bhai ban chuka tha ek aisa bhai jo hamesha parde ke peeche reh kar meri aur Yashu ki dhaal bana raha. Lekin mere mann mein abhi bhi ek kasak thi... kya main kabhi usse asliyat mein mil paungi? Ya yeh rishta hamesha ke liye sirf screen aur shabdon tak hi simat kar reh jayega? maine bohot bar unse pucha ki aapki koi team hai kya jo ye sab blog manage karta hai kya ? kitne log hai aapke team me ? mujhe bhi unke team me add hona tha. lekin javab jo mila wo expected nahi tha mujhe. silent writer ek college ke pc se ye sab manage karta tha wo bhi college ke practical lab se wo bhi bas din ke 1-2 hour me.
jaha pe logonko ek web site manage karne me minimum 9-10 log lagte hai vaha ye insaan akela is blog ko manage kar rha hai design , coding , maintaning sab kuch. mai ek IT backround se hu to mujhe pata hai ek web site proper work karne me kitne log responsible hote hai. lekin ye banda akela manage karta hai wo bhi college ke practical lab se wo bhi sirf din ke kuch hour use karte totally unaccepted wali baat hai. time bitata gaya wo apne kam me busy tha ab jyada baat nahi hoti the lekin wo active tha balog me khudki story share karta tha . logonko replay dena chalu he tha .ye hai hamara silent writer the owner of Dream Team. hope ab pata lag gaya hoga ki silent writer kon hai kaisa hai to yeh story end karti hu.
to aaj ke liye itna he
i love my self.. i belive in my self. good night bye bye.. fir milte next
story me