Pehle jab main chhoti thi, birthday matlab bahut badi cheez hoti thi. Mummy subah se hi kitchen mein busy rehti, papa office se jaldi aa jaate, aur main un dono ke beech baithkar cake ka intezaar karti. Unke saath hasna, unke saath cake kaatna, unke saath photo khinchwana… wo sab normal tha. Jaise har bachche ka hota hai. Lekin accident ke baad sab badal gaya. Ab 2-3 saal ho gaye the uss din se. Main 16 saal ki ho chuki thi. Aaj mera birthday tha. Lekin ghar mein koi excitement nahi tha. Koi subah se kitchen mein nahi tha. Koi jaldi ghar aane wala nahi tha.
Sirf main thi… aur ek chhota sa chocolate cake jo maine khud bakery se mangwaya tha. Room mein sirf ek halki night lamp jal rahi thi. Bahar baarish ho rahi thi. Main table ke saamne baithi thi, cake ke saamne. Upar “Happy Birthday Suhani” likha tha, lekin “i” ke upar wala dot thoda tilt ho gaya tha. Bilkul mere dil ki tarah. Maine cake ko dekha aur purani baatein yaad aa gayi.
Mummy hamesha kehti thi, “Suhani, candle bujhane se pehle wish kar lena.” Papa hans-hans ke bolte the, “Wish mat kar, hum dono tere saath hain na, sab kuch mil jayega.” Aur main unke beech baithkar aankhein band karke wish karti thi… bas itna ki hum teeno hamesha saath rahein. Aaj aankhein band ki toh sirf andhera dikha. Koi mummy nahi, koi papa nahi. Sirf khamoshi. Ek aansu cake ke upar gir gaya. Phir dusra. Phir teesra. Maine ponchne ki koshish ki, lekin aansu ruk nahi rahe the. Bas dheere-dheere, bina kisi awaaz ke, beh rahe the.
“Happy Birthday to me…” maine bahut dheere se bola. Awaaz itni halki thi ki khud ko bhi sunai nahi di. Maine cake ka ek chhota piece kaata aur munh mein rakha. Taste kuch feel nahi hua. Jaise sab kuch be-swad ho gaya ho uss din ke baad. Phir maine apni purani diary uthayi. Pehle page pe drawing thi — hum teeno cake ke saamne khade, sab hans rahe the. Us drawing ko dekhte hi dil phir se toot gaya.
Aaj usi diary ke saamne baithkar main ro rahi thi. Chupke se. Koi awaaz nahi nikal rahi thi. Sirf aansu aur saans ke saath-saath dil ke tukde hone ki awaaz. Bahut der tak main wahi baithi rahi. Candle bhi nahi bujhaya. Bas cake ko dekhti rahi aur sochti rahi… Pehle birthday pe mummy-papa ke saath hoti thi. Aaj birthday pe sirf main aur ye khamoshi hai. Candle ko dheere se bujha diya. Andhera ho gaya.
Bas baarish ki awaaz aur mera silent rona baaki tha. “Happy Birthday Suhani…” maine phir se dheere se bola, aur is baar awaaz mein rona bhi tha. Phir sir ghutno mein chhupa liya aur bahut der tak roti rahi… bilkul chupke se. Koi nahi tha jo mujhe gale lagakar kehta, “Beta, sab theek ho jayega.” Sirf khamoshi thi. Aur wo khamoshi bahut zor se chillati thi.
Kyunki ab ghar mein koi apna nahi tha. Chacha defence mein the. Unko kabhi bhi achanak kahin bhi jaana padta tha. Kabhi raat ko call aata, kabhi subah 4 baje bag pack karke nikal jaate. Unka kaam aisa tha ki woh kabhi promise nahi kar sakte the ki “aaj birthday pe ghar rahunga”. Hamesha ready rehte the — kabhi border, kabhi mission, kabhi training. Ghar aate toh thak kar, aur jaldi so jaate. Ghar mein sirf Chacha ke security guard the, khana banane wali aur maid. Woh log kaam karte the, khana paros dete the, saaf-safai karte the, lekin unke chehre pe woh pyaar nahi tha jo mummy-papa ke chehre par hota tha. Woh sirf duty nibha rahe the.
Main unko “aunty” ya “bhaiya” kehti thi, lekin dil se kabhi apna nahi bana paayi. Aur baaki sab? Sab apne-apne kaam mein busy the. Koi apna rishtedaar aata bhi nahi tha. Koi mummy ki behen, koi papa ke bhai — sab apni-apni duniya mein the. Kisi ko yaad bhi nahi tha ki aaj Suhani ka birthday hai. Isliye aaj cake ke saamne sirf main thi. Koi nahi tha jo mujhe gale lagakar kehta, “Beta, happy birthday, tu meri jaan hai.” Koi nahi tha jo candle bujhane ke baad mera sir sahlate hue kehta, “Ab badi ho gayi hai tu.” Sirf khamoshi thi.
Aur wo khamoshi itni zor se chillati thi ki dil ke har tukde ko aur chhota kar deti thi. Maine sir ghutno mein chhupa liya aur bahut der tak roti rahi… bilkul chupke se. Aaj bhi wo khamoshi mere saath thi. Aur lagta hai, ab hamesha saath rahegi.

Mummy-papa ke jaane ke baad meri zindagi mein jo sannata aaya tha, usne mujhe bilkul tod diya tha. Mera apna ghar, jahan meri bachpan ki har ek yaad thi, ab wahan rehna mere liye namumkin sa ho gaya tha. Tabhi Chacha ji mujhe apne saath le aaye. Chacha ji ka ghar mere ghar se zyada door nahi tha sirf 30-35 km ka fasla tha. Itni kam doori hone ke bawajood, mujhe aisa lagta tha jaise main kisi dusre planet par aa gayi hoon. Wahan ki har cheez alag thi. Chacha ji ka dabdaba aur unka discipline mere ghar ke us khule mahaul se bilkul juda tha.

Halaanki main unke bahut paas hi reh rahi thi, lekin un dino mera apne purane ghar lautne ka bilkul mann nahi karta tha. Wahan ki deewarein mujhe mummy-papa ki yaad dilati thin, aur main un yaadon se darti thi. Chacha ji ne mujhe apne ghar mein jagah toh di, lekin unka ghar mere liye ek 'surakshit qila' ban gaya jahan main duniya se chhup kar rehne lagi. Time beet raha tha, mera admission chacha ji ne paas ke school mein kar diya. Pehle 2 saal mere aise chale gaye; school mein koi khaas best friend jaisa koi nahi tha, main bas akele hi rehti thi. Jab 10th class start hua tab meri life mein friend aayi—Yashu. Yashika naam tha uska. Mujhe aaj bhi yaad hai, main class mein chup-chap baithi thi aur Yashu ne piche se pen maangne ke bahane mujhse baat shuru ki. Wo mujhse bilkul ulti thi — itni baaten karti thi ki kabhi-kabhi mera sar dard hone lagta, par uski dosti mein ek sacchai thi.

Wo jaanti thi ki main Chacha ji ke ghar rehti hoon aur wahan ke niyam sakht hain, isliye wo hamesha mera khayal rakhti. School bus mein hum saath baithte, wo poore raste bolti rehti aur main bas sunti. Jab bus mere stop par rukti, toh wo gate tak mujhe bye bolne aati.
Usne kabhi ye mehsoos nahi hone diya ki main kisi aur ke ghar mein reh rahi hoon ya main akeli hoon. 10th class ki wo bench hamari dosti ka pehla gawah bani. Wahan se lekar graduation aur phir PG tak, humne kabhi ek-dusre ka sath nahi chhoda.
Main technical cheezon mein uljhi rehti aur Yashu meri duniya ki har chhoti-badi khabar mujh tak pahunchati. Chacha ji ke ghar se school aur school se ghar — is 30-35 km ke dayre mein meri poori zindagi simat gayi thi, aur Yashu hi thi jisne is dayre ko mere liye bojh nahi banne diya.
Main thodi chup rehne wali ladki thi, par Yashu ne mujhse kabhi meri khamoshi chhini nahi, balki usne mujhe samajhna shuru kar diya. 10th class se shuru hua wo pen maangne ka silsila kab ek gehri dosti mein badal gaya, pata hi nahi chala.
10th ke baad humne 11th aur 12th bhi saath mein ki. Chacha ji ke ghar ke sakht niyam meri zindagi ka hissa the, par school ke wo 6-7 ghante sirf Yashu ke naam hote the. Humne saath mein Boards ki taiyari ki. Jab main kisi maths ke sawal mein phans jati, toh wo mere sar par halka sa maar kar kehti, "Mitr, itna dimaag mat chala, bas steps yaad rakh!"
Mujhe yaad hai, jab hum 12th mein the, tab ek baar baarish ki wajah se hamari school bus beech raste mein kharab ho gayi thi. Sab bachhe pareshan the, par Yashu ne wahan bhi maza dhoond liya. Humne ek purane chhote se dhabe par baith kar garam chai pi thi. Us din pehli baar maine use bataya tha ki mujhe technology aur computers mein kitna interest hai. Usne mera hath pakad kar kaha tha, "Tu bas coding kar, tere saare projects main handle karungi."
Graduation aur wo Khule Pal: Humne saath mein B.Sc. mein admission liya. Ab hum bachhe nahi rahe the, par hamari bench wahi teesri hi thi. College ka campus bada tha, par meri duniya sirf Yashu tak hi simit thi. Boys ka koi group jab bhi mere paas aane ki koshish karta, Yashu ek 'Bodyguard' ki tarah aage aa jati thi.
Ek baar college ke fest mein humne ek project banaya tha. Poori raat jaag kar maine coding ki thi aur Yashu ne presentation taiyar kiya tha. Jab humein 'Best Project' ka award mila, toh wo mujhse zyada uchhal rahi thi. Wo pal mujhe aaj bhi yaad hai. Usne stage par sabke samne kaha tha, "Ye meri dost hai, iska dimaag computer se bhi tez chalta hai!" Maine us din pehli baar itne saare logon ke beech sharmate huye smile kiya tha.
Graduation ke baad humne PG shuru ki. Ab hum thode mature ho gaye the. Yashu ko coding aur networking mein sab aata tha lekin usko management pasand tha, aur main networking aur technical security mein ghusi rehti thi. Mera aisa koi mission ya sapna nahi tha ki main isi department mein aage job ya career karun; main bas graduation, phir post-graduation, phir shaadi—yahi plan tha. Maine notice kiya ki in saalon mein, main ab pehle jitni sehmi hui nahi rahi thi. Yashu ki energy ne mujhe thoda khulna sikhaya tha. Hum canteen mein baith kar ghanton computer logics aur life ke baare mein baatein karte. Yashu aur meri 10th class mein extra subject mein Sanskrit language thi. Yashu ko Sanskrit bolna bohot achi tarah aata tha; jhagde mein wo gaaliyan bhi usi language mein deti thi. Maine use pehli baar "Mitr" kehna tabhi shuru kiya tha, aur wo mujhe "Ladle" keh kar chidhati thi. Humne saath mein kai baar exams ke pressure mein raat-raat bhar phone par padhai ki hai.
PG khatam hone tak, hum sirf dost nahi, ek dusre ka saya ban chuke the. 10th class ki wo masoomiyat ab ek gehri samajh mein badal gayi thi. Maine uske saath mil kar kai hacking tricks aur system configurations seekhe the. Phir aaya wo pal jahan se Yashu ki life ka turning point aaya. Use apne senior se pyaar ho gaya. Is din se mujhe lagne laga ki ab ye dost bhi ab usi ladke ke saath busy ho jayegi. Wo mere samne hi us ladke se baat karti thi. Ghanto tak call, chat chal rahi thi. Iska asar uski studies pe ho raha tha. Uska us ladke se milna zyada badh gaya; maine usko roka lekin wo kahan kisi ki maanti hai. Maine usko uske haal pe chhod diya. Wo abhi bhi mere saath hi aati jaati thi lekin mann se wo kahin aur hoti thi. Uski baat shaadi tak aa gayi us ladke ke saath.

Jab unki shaadi tak baat aa gayi, tab use kahin se maloom hua ki woh ek cheater hai. Pehle usne kisi ki baaton pe trust nahi kiya tha, lekin kuch log aise mile unhone bataya, proof dikhaaye, tab jaake usne seedha usse jawaab maanga. Usne tab bhi jhooth hi bola. Usne faisla kiya tha ki agar woh galti maanta hai, accept karta hai, toh woh relationship ko aage badhayegi, lekin usne last tak inkaar hi kiya. Tab se uski poori zindagi badal gayi. College ki toppers mein se ek thi woh, aur use us haalat mein dekhna mere liye bahot painful tha. Usne sabse baatchit band ki, kisi se milna-julna band kiya, mere call aur message ka jawaab bhi nahi de rahi thi. Uske mummy-papa ne us waqt uska saath diya, support kiya, lekin shayad utna hi kaafi nahi tha. Aunty ne mujhe kuch din Pune aakar uske saath rehne ko kaha, main taiyaar ho gayi. Woh rehti thi room par, isliye pehle humne uska room chhod kar alag rent pe flat liya jahan pe sirf hum dono hi rehte the. Uske saath rehkar maine jitna hua utna samjhaya, purane moments yaad dilaaye, lekin kuch time baad use phir se pyaar mein mila dhoka hi yaad aata aur rone lag jaati. Uska kehna tha ki woh loyal hai aur wafadaar bhi, phir bhi uske saath aisa kyun hua? Iska jawaab mere paas bhi nahi tha.

Jaise-jaise din beet rahe the, woh aur bhi stress mein rehne lagi. Khaana-peena sab andekha kar rahi thi. Meri saari koshishein nakaam ho gayi. Ek baar jab baithe the, toh main aise hi college ke moments use yaad kara rahi thi aur uske liye apple kaat ke de rahi thi. Usne kaha khud kha legi aur main dekhne lagi TV. Woh side mein hi sofe pe baithi thi. Woh sirf chaaku haath mein lekar apple ke chhote-chhote tukde kiye ja rahi thi upar dekh kar. Achanak meri nazar us pe padi toh chaaku uske haath ki nass pe tha aur woh doosre haath ki aur dekh rahi thi. Samay rehte maine rok liya, warna bahot kuch ho jaata. Ek college topper ladki pyaar ke chakkar mein itna apne aap ko takleef de rahi hai, yeh dekh kar bahot ajeeb aur gussa aa raha tha.

Last option tha doctor se concern karaana, lekin khi maine friend ko bola toh pehla reaction yeh tha ki "Mujhe kya hua hai? Main pagal nahi hoon." Mere liye aur uske gharwaalo ke liye yeh situation sach mein mushkil thi. Sab kuch aankho ke saamne hote huye bhi koi kuch kar nahi pa raha tha. Maine internet pe try kiya ki koi solution mile is baat par. Google search ke ads mein mujhe ek ad dikhi jahan pe aise hi ek random ladki ne kisi "Silent Writer" ko thank you bola tha zindagi bachaane ke liye. Waise toh IT se belong karti hoon aur post-graduation bhi IT field mein ki hai, isliye website ads ke baare mein pata tha. Most of the time ads bekaar aur spam ya clickbait hote hain, isliye main ignore hi karti thi, lekin us waqt maine aisa nahi kiya.

Kyunki pehle hi humne bahot try kiya tha friend ke liye ki woh in sab se baahar aa jaaye, lekin hum sab fail the. Isliye na chahte huye bhi maine us ad pe click kiya tha. Woh ad mujhe le gayi ek love guru jaisi kisi site pe, jahan pe log apne problems share karte the aur unko suggestion aur mentally support diya jaata tha. Maine articles padhe bahot se, accha laga reviews aur wahan ke problems ke solution ko padh kar. Site pe ek option tha jahan pe hum troubleshooter se direct personally baat kar sakte the. Us page pe toh 200 se zyada profiles thi, toh pehle samajh nahi aaya ki kisko apne problem bataoon. Maine profile rating check karke highest ranking wale troubleshooter ko choose karna sahi samjha. Unme se ek profile mili jiski rank high thi, naam tha "Silent Writer".

Jab koi aap love guru ya troubleshooter person ko imagine karte ho, toh aapke mann mein yahi hoga ki woh apni life mein bahot experienced raha hoga, bahot saalo mein usne duniya ko pehchana hoga. Mera bhi wahi andaaza tha Silent Writer ke liye. Maine unko apni problem bataayi. Unki taraf se ek auto-reply aaya ki aapka message mujhe mila, main jald se jald try karoonga. Maine intezar kiya, 2 din mein reply aaya. Jo reply aaya usse mujhe bahot zyada gussa aaya.
Reply tha: "Aap apne friend ko mere se baat karne bolo kal live blog ke chat room section mein."
Maine already mention kiya tha ki woh kisi se baat nahi kar rahi aur akela rehna chahti hai. Phir bhi unhone yahi kaha ki agar aapko aapki pehle wali friend chahiye toh aap use mana lijiye, sirf 10 minute de do mujhe.

Mujhe sach mein lag raha tha ki maine yahan blog pe aakar sirf time waste kiya hai, lekin us waqt mere paas koi option nahi tha. Maine usko manaya, qasam dila ke aakhir mein maan gayi. Us Silent Writer ne bola tha ki use akele chhod do mere se baat karte waqt, aur use kisi aisi jagah pe le jaao jahan aapne accha time spend kiya hai past mein. Maine same follow kiya. Hum hamare city mein college ke route par ek garden jaisi jagah thi wahan gaye. Wahan ice ke gola, budhiya ke baal, ice cream aur chane milte the. Humne graduation ke time bahot saara time wahan spend kiya tha. Pehle toh woh nahi maan rahi thi ki "kaun hai yeh?", "kyun baat karoon?", par maine zabardasti use wahan bithaya aur main door jaakar baith gayi.

Main use door se dekh rahi thi, woh type kar rahi thi aur ro bhi rahi thi. Silent Writer ne bola tha ki 10 minute akele baat karne do, toh wahi follow kar rahi thi. Woh gusse mein type kar rahi thi, aankhon mein aansu the. Kabhi ro kar aasmaan ki taraf dekhti, phir Silent Writer reply karta. Ek waqt aisa aaya jab usne mobile side mein rakha aur apne dono pairo ke beech mein moonh chhupa kar rone lagi. Bahot time hua lekin woh na mobile pe reply de rahi thi aur na moonh upar utha rahi thi. Maine intezar kiya, phir woh theek se baith gayi aur hass kar aasmaan ki taraf dekhne lagi. Itne mahino baad uski is hansi ko dekhne ke liye main taras gayi thi. Uski hansi se meri aankhon mein aansu beh rahe the.

Usne mujhe call kiya, maine jhooth hi bol diya ki "haan mera kaam ho gaya, main aati hoon 5 minute mein."
Uske baad usne mobile uthaya, kuch typing ki aur kuch bad-badayi bhi. Main uske paas gayi, uska subah ka mood aur ab ka mood zameen-aasmaan ka farq tha.
Usne khud mujhse bola ki "bahot din se budhiya ke baal nahi khaaye, chal khaate hain."
Mere liye yeh sab baatein ajeeb thi. Mujhe meri pehle wali friend mil chuki thi. Maine us waqt usse kya baatchit hui yeh poochna sahi nahi samjha. Ghar jaane ke baad jab hum room mein gaye, toh usne mera haath apne haatho mein lekar thank you bola aur zor se gale lagaya. Mujhe nahi pata us blog wale ne kya baat ki uske saath, lekin jo usne kiya woh hamare liye namumkin ki tarah tha. Isliye mere dimaag aur dil mein us blog wale person ke liye alag se jagah ban gayi. Maine Yashu (Yashika) ke saath apni zindagi ke bahot saal guzaare hain. Hum dono ki koi behen nahi thi, Yashu ko bada bhai tha aur mera koi bhai-behen nahi tha, isliye hum dono ek doosre ke liye sab kuch the. Aaj woh purani wali Yashu mujhe waapas mil chuki thi. Jitna thank you bolu us blog ke person ko utna kam tha. Maine unse contact kiya aur thank you bola. Unhone sirf "Ok, God bless you, your all dreams come true" itna hi reply diya.
Maine jab poocha ki hum sab ne sab tareeke se try kiya samjhaane ka, par aapne aisa kya bola ki woh sab kuch bhool ke aage badhne ko taiyaar ho gayi?
Unka reply aaya: "Kuch baatein na pata chalein toh hi accha hai. Bas aap apne friend ke saath time spend karo aur purani acchi yaadein yaad dilao."

Mujhe mere sawaal ka jawaab ab bhi nahi mila tha. Unhone aage ke baare mein sochne ko bola. Us din se main aur Yashu pehle ki tarah gossiping aur chatting continue kar rahe the. Mere dimaag mein bahot kuch chal raha tha us insaan ke baare mein jo blog se tha. Kaise usne mere problem ka solution ek din mein result ke saath de diya? Maine socha Yashu se poochne ka par phir laga beete baatein yaad dilaane se kahin baat bigad na jaaye. Maine socha ki history se blog par visit karke us person ke baare mein aur jaan loon. Maine unki stories padhi jo unhone blog pe post ki thi. Maine ek baat notice ki, har post ke last mein woh "Destiny" word use karte the aur disclaimer laga rehta tha ki yeh saari stories "Silent Writer ki personal diary se li gayi hain."

Jitne bhi unki post/story thi woh koi kahani nahi thi aur woh na writer thae koi story likhne wale. Sabhi stories unke life se judi hui thi jo unhone mehsoos kiya tha. Mujhe lagbhag 2 hafte lage unke saare posts padhne mein. Unki stories se bahot kuch seekhne jaisa tha. Hum chhoti-chhoti baaton ko lekar gussa hote hain, complaint karte hain, lekin jo situations woh guzaare the woh bahot hi hard thi. Unse mujhe bahot kuch seekhne ko mila. Maine apni kuch aadatein bhi badal di. Aisa nahi tha ki maine jaan-boojh ke badli, lekin jab bhi main koi galat kaam karti, mujhe unke incidents yaad aate the. Pata nahi kyun, aaj tak maine mummy-papa ki baatein nahi suni lekin is Silent Writer mein kuch baat zaroor thi. Jadu jaisa lagta tha, koi bhi aasani se unki baate observe kar leta tha. Shayad isliye woh us blog ke high rating person thae.

Maine ek baat aur notice ki, unhone apni koi photo, address, city ya age mention nahi ki thi. Sirf "Silent Writer" hi unki identity thi. Main unko imagine karti toh mujhe 40-50 saal ke insaan ki soorat yaad aati thi. Tab se main us blog ki regular reader ban gayi thi. Blog par ek section tha jisme log direct sawaal pooch sakte the. Do options the: publicly ya personally. Agar public puchte toh sab dekh sakte the, personal mein sirf aap aur woh member. Jab sawaal ka jawaab milta aur aap satisfy ho jaate, toh option aata tha "Close Discussion" aur "Share Solution Publicly". Bahot log second option choose karte the taaki doosro ko bhi help mile. Zyada tar log apna full name nahi dete the, toh privacy bani rehti thi.

Har do din baad main blog visit karti aur specially Silent Writer ke posts padhti thi. Maine notice kiya woh sirf Saturday aur Sunday ko active rehte the aur unke posts baaki writers se zyada famous hote the. Unki taraf se turant reply nahi milta tha, kabhi ek-do hafte lag jaate the. Mujhe laga busy person honge, business mein busy rehte honge. Jitna unke baare mein jaan ne ki koshish karoon, utna hi woh mere liye paheli ban rahe the. Maine unko message kiya ek baar apne saare sawaal poochne ke liye. Mujhe laga reply nahi aayega, lekin kismat meri ki ek hafte baad reply mila.
Maine poocha ki: "Aap job kya karte ho aur aapko itna sab kaise pata hai logon ki soch ke baare mein? Specialy poocha ki aapse baat karni ho toh koi personal social media hai kya?"
Unhone har sawaal ka jawaab bade hi saadgi se diya. Unhone kaha unka personal social account hai lekin woh nahi de sakte kyunki woh personal life aur blog life ko mix nahi karna chahte. Doosri baat kahi ki jitna samajh logo se seekhne mila, wahi unki jaankari hai. Job ke baare mein kaha ki woh job par nahi hain. Laga retired person honge.

Woh jo bhi likhte the usme koi personal information nahi hoti thi. Baki writers real name aur city bata dete the par "Silent Writer" ne aisa kabhi nahi kiya. Unke posts koi khayaali pulao nahi balki real zindagi ke incidents hote the. Unki story padhte waqt aisa lagta tha jaise live movie aankhon ke saamne chal rahi ho. Hum khud mehsoos kar paate the, itni real baatein woh likhte the. Yeh blog mere liye bahot khaas ban chuka tha. Iski wajah se mere behaviour mein bahot changes aa gaye the.
Silent Writer ne ek baat boli thi: "Khud ko jo mila usme khush raho. Kabhi ghamand aaye toh apne se ameer logo ki taraf dekho aur dekho unke saamne hum kuch bhi nahi. Aur kabhi lage kuch nahi hai, toh apne se ghareeb ke saath compare karo, pata lagega hamein jo mila hai woh kisi ka sapna hai."
Yeh baate mere mann mein bass gayi thi. Gharwaalo ne aur friends ne bhi notice kiya. Yashu bhi kehti thi ki "Tu pehle wali nahi rahi." Hum chutti ke din paise nahi uda rahe the. Pehle hum movie, McDonald's jaate the aur 800-1000 kharch karte the, par ab woh aadat badal gayi thi.

Bahot dino baad Yashu ne baahar jaane ki baat ki Sunday ke din. Hum pizza khaane ke liye paas ki shop mein chale gaye. Order aane tak hum wait kar rahe the, Yashu mujhse Silent Writer ke baare mein pooch rahi thi. Maine bataya ki mere andar aaye changes usi ki wajah se hain. Mera dhyan kahin aur tha—traffic signal ke paas ek 8-9 saal ka baccha 2-3 rupaye wali pen bech raha tha.
Maine jawaab diya: "Uss bacche ko dekh rahi hoon, hum uski umar mein cartoon dekhte the, toys ke liye zidd karte the, lekin inko dekho, inmein woh bachpana nahi hai. Inka din kamai se shuru hota hai."
Yashu ne bhi haan mein sar hilaya.

Traffic hatne ke baad woh ladka hamari shop ke aage se guzar raha tha aur pizza ke poster aur counter ke items ko dekh raha tha. Chalte-chalte woh doosre person se takrane hi wala tha, maine bola "Aage dekh".
Usne meri taraf dekh kar turant aage dekha aur ruk gaya. Usne Amitabh Bachchan wali style mein salaam kiya aur "Dhanyavaad madam ji" bola.
Maine use bulaya toh usne mana kiya ki "Yahan ka maalik marega."
Maine owner se permission li use saath bithane ki.
Usne poocha: "Pen chahiye kya didi?", maine kaha: "Haan, idhar aao baitho."
Maine bola khana aane ke baad leti hoon pen. Humne ek pizza bite uske liye rakha, usne khushi se khaya. Woh shop ko dekh raha tha aur bola "Baahar se bada dikhta hai, andar se toh mahal dikhta hai."

Khana khatam hone ke baad waiter ne bill diya, Yashu counter pe gayi toh us bacche ne shirt ki jeb se chiller nikala aur 10 rupaye mere aage rakh diye.
Maine bola: "Rehne do", par usne mana kiya aur bola "Free ki aadat nahi hai, roz is time pe vada pav khaata tha, aaj yahan kha liya."
Ab pizza toh 450 ka tha par use nahi pata tha, humne batana sahi nahi samjha aur uske 10 rupaye le liye. Maine uska poora pen ka box hi le liya jo 80 ka tha. Woh ram-ram karke chala gaya. Agar kisi ki khushi 10 rupaye mein kharid sakti hoon toh aisi investment zaroor karni chahiye. Log paiso ke peeche kya kuch kar jaate hain lekin us bacche ne sikhaya ki paisa jeene ki zaroorat hai, zindagi nahi.

Yashu ne kaha: "Ki woh din mein kamata kitna hoga? 100-200?"
Me :- "Shayad ?"
Yashu :- "Uske liye din mein 200 mein se 10 rupaye dena kuch galat nahi laga na aur hum friend ke saath bhi free mein party karte hain. Lekin isne khud ke hisse ka bhi pay kar diya, salute hai."
Me :- "Hmmm….."
Mere zindagi ko dekhne ka nazariya badalne laga tha. Bachpana aur paise udaana kam hone laga tha. Waqt beet raha tha aur mera blog se rishta aur kareeb hone laga. Maine bhi socha main bhi troubleshooter bann jaoon.

Har baar ki tarah main post padh rahi thi tab “Silent Writer“ ka post padha usme college aur college se judi baate share ki thi unhone toh mujhe thoda bahut andaaza ho gaya ki “Silent Writer” Teacher, Principal, ya koi PhD karne wala hai tabhi itni duniya-daari pata hai. Mujhe ab tak unke baare mein sirf itna hi pata chala ki woh "Male" hain.
Maine aise hi message kiya unko ki: “Aap kaunsa subject padhate ho? Maths, Geography ya Science?”
Unka replay har baar ki tarah 6 din baad aaya
Silent Writer :- “I hate Maths and Science, main koi teacher nahi hoon.”

Ab meri saari soch mitti mein mil gayi. Maine seedha bol diya: ”Mujhe aapse baat karni hai, aapke baare mein jaanna hai, main aapse kaise contact kar sakti hoon? Aapko kab free time milta hai bataye.”
Unka reply is baar 3 din baad aaya.
Unhone kaha: "Itne saare sawaal, aisa kya hua jo aap aise sawaal-jawaab kar rahi hain? Chaliye toh main is Sunday free hoon, toh milte hain Sunday ko 12 PM ke baad."
Finally mujhe unse direct baat karne ka mauka mila. Theek 12:01 PM ko maine message kiya.
Maine pehle hi "Sir" kaha, 5 second mein reply aaya: "Hello, boliye."
Yashu ne bola pooch kahan se hain aap.
Unka replay aaya “Maharashtra”. Maine kaha hum Maharashtra ke hain. Maharashtra mein kahan se ho?
Reply aaya “Solapur”. Sawaal-jawaab chalu ho gaye.

Uski is baat ne mujhe thoda khamosh kar diya. Ek aisa insaan jo sabko rasta dikhata tha, usne khud kitna kuch jhela hoga, yeh soch kar mere mann mein uske liye izzat aur badh gayi. Lekin tab mujhe nahi pata tha ki kismat humko aage kis mod par laane wali hai. 

Vaibhav se baatein ab regular hone lagi thin. Wo kabhi zyada baat nahi karta tha, par jitni karta tha seedhi karta tha. PUBG uski life ka ek fun part tha. Jab bhi wo game ki baat karta, uski typing speed badh jati. Wo kehta tha, "Is season Ace complete nahi hua toh bura lagega." Maine mazaak mein kaha tha, "Main complete kar doongi tumhare liye." Wo hansaa tha aur bola tha, "Pehle game download toh karo." Mera gaming ka kuch lena-dena nahi tha tab toh maine kuch install nahi kiya. Time beet raha tha. Maine blog mein as a writer ke liye request daal di. Silent Writer ne accept kiya toh ab main apni stories bhi unke blog par post kar sakti thi.ye hai yashika ka intro fir milenge kisi or story me byeee

Main apne room mein baithi thi aur bahar ki hawa ki awaaz sun rahi thi. College ke din ab khatam hone wale the. Roz subah school bus se college jaati thi, class attend karti thi, notes leti thi aur shaam ko wapas ghar aa jaati thi. Logon se zyada baat nahi karti thi. Sirf Yashuu thi mera ek hi close friend. Woh bhi ladki. Boys ke saath kabhi close dosti nahi bani. Na unke group mein baithna pasand tha, na unki baaton mein interest tha. Main bas apne kaam mein lagi rehti thi.

Ghar mein ab meri shadi ki baat ho rahi thi. Dheere dheere chacha har 4-5 din baad kisi se mere shadi ki baat karte the. Chacha ji ne Abhijeet ke baare mein bataya ki wo dekhne aa rahe hain. Main just college khatam karne wali thi aur ab ye shadi. Shadi toh karni hi hoti hai har ladki ko, lekin mujhe itni jaldi nahi karni thi. Lekin 'na' nahi kar payi, chacha ji ko maine sirf 'haan' mein sar hilaya.

Ab jab shadi ki baat final ho gayi thi, toh har raat ek hi sawal dimaag mein ghoomta tha—Abhijeet kaisa pati hoga? Mujhe koi bada sapna nahi tha. Main kisi prince charming ki talash mein nahi thi. Bas itna chahti thi ki woh mujhe samajhe. Mujhe space de. Meri khamoshi ko tolerate kar sake. Aur sabse badi baat, meri hidden life ko kabhi challenge na kare. Main jaanti thi ki main abhi sirf basic cheezon mein thi, lekin agar future mein kuch technical kaam karna pada toh main chahti thi ki Abhijeet mujhe rok na de.

Lekin darr bhi tha. Shadi ke baad sab kuch badal jayega. Naya ghar, nayi zimmedariyan. Main akeli rehna pasand karti hoon, apni duniya mein khud ko chhupana pasand karti hoon. Ab woh freedom khatam ho jayegi kya? Kya Abhijeet mujhe samajh payega ki main kyun itni chup rehti hoon? Kya woh kabhi zyada sawal karega? Yashuu se last baar milne ke din woh mujhe boli thi, “Suhani, dar mat. Bas khud ko mat bhoolna.” Uske words ab bhi mere dimaag mein ghoom rahe the. Main khud ko bhoolna nahi chahti thi. Par shadi ke baad khud ko kaise bachau, yeh soch kar hi dil bhari ho jata tha.

Raat ko bed pe let kar main sochti thi—ab sirf kuch din aur unmarried rahungi. Phir sab badal jayega. Main akeli nahi rahungi, lekin phir bhi andar se akeli hi rahungi kya? Kya Abhijeet mera silence samajh payega? Kya woh mujhe woh freedom dega jo main apne aap ke liye chahti hoon? Darr tha. Bahut gehra darr. Lekin saath hi ek chhoti si ummeed bhi thi—shayad Abhijeet woh insaan ho jo mujhe apna space de de. Bas yahi soch kar main apne aakhri unmarried dinon ko guzar rahi thi. Chupke se. Apne andar ke darr aur ummeed dono ko saath lekar.

Wo din bahut ajeeb tha. Main apne room mein baithi thi aur Yashuu ke saath phone pe baat kar rahi thi. Usne mujhe bataya tha ki Chacha ne ek ladke ke liye rishta fix kiya hai. Naam tha Abhijeet. Defence background se tha, same district ka, lekin ghar se 200-250 km door. Maine sirf itna kaha tha, “Theek hai, dekhte hain.”

Pehli mulaqaat ghar pe hi thi. Main simple salwar suit mein thi, koi makeup nahi, sirf ek chhoti si bindi lagayi thi. Dil mein darr tha, lekin bahar se main normal banne ki koshish kar rahi thi. Jab Abhijeet aaya, toh pehle usne Chacha se baat ki. Phir meri taraf dekha. Uski aankhon mein koi badi curiosity nahi thi, bas ek normal si nazar. Hum dono baith gaye. Chacha aur ghar wale thodi der baat karte rahe, phir hum dono ko thoda time diya.

Pehle kuch minute bahut awkward the. Maine sirf itna pucha, “Aapka kaam kya hai?” Usne bataya ki woh defence mein hai aur technical side pe kaam karta hai. Maine sirf sar hilaya. Usne mujhse pucha, “Aap kya karti ho?” Maine dheere se bola, “Abhi college kar rahi hoon, BSc.” Phir kuch der chuppi rahi. Main soch rahi thi—yeh ladka kaisa hoga? Kya yeh mujhe samajh payega? Kya yeh meri khamoshi ko accept kar lega? Ya yeh bhi un logon jaisa hoga jo sirf bahar se dekh kar judgment karte hain?

Abhijeet ne dheere se kaha, “Mujhe lagta hai aap bahut kam bolti hain.” Maine muskurakar jawab diya, “Haan… aadat si ho gayi hai.” Usne phir kuch nahi pucha. Bas dheere se coffee ka cup uthaya aur bola, “Theek hai, main samajh sakta hoon.” Wo baat bahut simple thi, lekin mujhe achhi lagi. Usme koi pressure nahi tha, koi zyada sawal nahi tha. Jaise woh jaanta ho ki har insaan ke andar kuch chhupa hota hai aur usko chhupane ka haq bhi hota hai.

Pehli mulaqaat khatam hone ke baad jab woh gaya, main apne room mein baithi rahi. Dil mein ek ajnabi si feeling thi. Darr bhi tha aur ek chhoti si ummeed bhi thi. Shayad yeh insaan mujhe mera space de de. Shayad yeh meri khamoshi ko samajh sake. Lekin saath hi ek aur soch bhi thi—agar yeh shadi ho gayi, toh meri zindagi aur kitni badal jayegi? Kya main ab bhi apni chhoti si duniya mein chhup sakungi? Ya sab kuch khul jayega? Us raat main bahut der tak so nahi paayi. Bas sochti rahi… Abhijeet kaisa pati hoga? Aur main uske saath kaise reh paungi?

Subah jab uthi toh Yashuu ka message tha. Usne likha tha, “Suhani, ek baat bataani hai. Chacha ji ne Abhijeet ko tere baare mein sab kuch bata diya hai… tere past ke baare mein bhi.” Main phone dekh kar ruk gayi. Past? Matlab accident, mummy-papa, wo sab? Chacha ji ne sab bata diya? Mujhe toh kuch bhi nahi bataya tha. Maine Yashuu ko turant call kiya. Woh boli, “Haan yaar, maine bhi kal raat ko sun liya. Chacha ji ne Abhijeet ko poora background bata diya. Accident, tera akelapan, sab.”

Mujhe samajh nahi aa raha tha. Chacha ji mujhse kabhi kuch chhupate nahi the. Jo baat mujhe baad mein pata chalti thi, woh Yashuu ko pehle hi pata hoti thi. Un dono ke beech kuch secret information ka silsila chalta tha jisme mujhe kabhi involve nahi karte the. Main puchhti thi toh Chacha ji sirf itna kehte, “Beta, tu apni padhai aur ghar pe dhyan de.” Strict toh the, kam bolte the, lekin kabhi mujhe dusron ki tarah treat nahi kiya. Jaise ek baap apni beti ke liye jo kuch kar sakta hai, unhone sab kiya tha. Phir bhi ye baat chhupana… mujhe thoda bura laga.

Yashuu ne has kar bola, “Arre tension mat le. Chacha ji ne sirf good things batayi hain. Abhijeet ko pata hai ki tu kitni strong hai. Bas tu milne ke time normal rehna.” Chacha ji ne jab pucha “ladka kaisa laga?”, mera muh band tha. Ek mulakat mein main kya hi jaan leti kisi ko? Isliye unhone decide kiya ki main Yashuu ke saath bahar milungi Abhijeet se. Thoda neutral jagah pe, jahan pressure na ho.

Meeting se pehle Yashuu mere ghar aayi. Main kapde choose kar rahi thi aur haath kaanp rahe the. Woh hasi aur boli, “Suhani, tu itna darr kyun rahi hai? Boys se baat karna tujhe naya nahi hai na. College mein toh kitne baar group projects mein baat ki hai.” Maine thoda muskurate hue bola, “Haan, lekin wo group tha. Yahan sirf main aur woh… aur shadi ki baat hai. Kya bolungi main?” Yashuu ne mera haath pakda aur funny andaaz mein boli, “Bol dena—‘Hi, main Suhani hoon, accident survivor, chhup-chhup ke hacker banne wali, aur abhi tak sirf Yashuu se hi dil ki baat ki hai.’”

Dono has pade. Usne mujhe thoda relax kiya. “Dekh, tu bas normal reh. Zyada sochna mat. Agar woh tujhe samajh nahi paya toh hum dono mil kar usko reject kar denge,” usne wink kiya. Meeting ke din bahar park ke paas milne ka plan tha. Main Yashuu ke saath pahunchi. Abhijeet already wahan tha. Simple shirt-pant mein, haath mein coffee ka cup. Pehle thodi si smile di aur bola, “Hi Suhani.”

Main bahut sharma rahi thi. Haath thande pad gaye the. Sirf “Hi” bol payi. Baat shuru karne mein darr lag raha tha. Yashuu ne side se dheere se kaha, “Arre bol na kuch.” Abhijeet ne notice kiya. Woh dheere se bola, “Tension mat lo. Main bhi pehli baar aisa rishta dekh raha hoon. Hum dono hi nervous hain shayad.” Phir dheere-dheere baat badhi. Usne mera college, mera interest pucha. Maine bataya ki main zyada bahar nahi nikalti, apne kaam mein rehti hoon. Usne smile kiya aur bola, “Mujhe bhi akela rehna pasand hai. Shor pasand nahi.”

Thodi der baad woh serious hua aur bola, “Suhani, Chacha ji ne mujhe tere past ke baare mein bataya hai. Main sab jaanta hoon. Lekin main yeh nahi chahta ki tu usse daba kar rakhe. Jo bhi tere andar hai, woh tera hissa hai. Main pressure nahi dalunga.” Usne promise kiya, “Main tujhe space dunga. Jo bhi tu chhupana chahti hai, woh chhup rahega. Bas itna kar ki hum dono ek dusre ko samajh sake.” Maine sirf sar hilaya. Dil mein thoda sa sukoon feel hua.

Yashuu side mein baithi muskurati rahi. Jab meeting khatam hui toh usne mujhe bahar aate hi kaha, “Dekha? Tera darr kam hua na? Abhijeet acha lag raha hai.” Maine dheere se bola, “Haan… shayad.” Lekin andar se ab bhi soch rahi thi—shadi ke baad sab kuch kitna badlega? Kya main apni chhupi hui duniya ko bacha paungi? Ya Abhijeet ke saath reh kar mujhe khud ko naye tareeke se dekhna padega?

Subah uthkar main Yashuu ko call kar baithi. Jab usne phone uthaya toh main seedhe bol padi, “Yashuu, mujhe shadi nahi karni. Main akeli rehna chahti hoon.” Yashuu pehle toh chup rahi, phir dheere se boli, “Suhani… kya hua? Kal toh tu theek thi.” Maine rote hue kaha, “Sab theek nahi hai. Main darr rahi hoon. Bahut darr rahi hoon. Accident ke baad se main akeli hi theek thi. Abhijeet ke saath rehna padega toh mujhe apni duniya chhodni padegi. Meri khamoshi, mera chhupna, mera kaam… sab khul jayega. Main nahi kar sakti. Main akeli hi rahungi.”

Yashuu ne thodi der chup rehkar sun liya. Phir usne pyar se bola, “Suhani, sun na… tu darr rahi hai, ye main samajh sakti hoon. Accident ke baad se tu ne bahut kuch khoya hai. Mummy-papa, wo purani zindagi, wo freedom… sab. Ab shadi ka naam sunte hi lag raha hai ki phir se kuch chhin jayega. Lekin yaar, har cheez chhinne wali nahi hoti. Dekh, tu soch rahi hai ki tu sab kuch khone wali hai. Lekin shadi sirf khone ki cheez nahi hoti. Kabhi kabhi woh ek nayi jagah bhi deti hai jahan tu apni purani duniya ko thoda sa safe rakh sakti hai. Abhijeet ne tujhe dekha hai. Usne tera darr dekha hai. Phir bhi usne pressure nahi diya. Ye chhoti si baat hai, lekin isme ummeed hai.”

Maine aansu pochte hue bola, “Phir bhi darr lag raha hai Yashuu… bahut darr lag raha hai.” Yashuu ne pyar se hans kar bola, “Darr lagna normal hai yaar. Main hoon na. Aur agar Abhijeet sach mein tujhe samajh nahi paya, toh hum dono mil kar usko bol denge—‘Sorry bhai, yeh rishta nahi chalega.’ Tu akeli nahi hai Suhani. Kabhi nahi thi.” Uske words sun kar mera dil thoda halka hua. Maine dheere se bola, “Tu hamesha aise hi samjhati hai na?” Yashuu hasi aur boli, “Haan, kyunki tu meri best friend hai. Aur best friend ka kaam hota hai darr ko thoda chhota karna.”

Us din Yashuu ke saath baat karne ke baad main thodi der chup baithi rahi. Darr abhi bhi tha, lekin ab woh itna bhaari nahi lag raha tha. Shayad Abhijeet sach mein mujhe mera space de de. Maine Yashuu aur chacha se baat karke shadi ke liye haan kardi. Mujhe aaj tak koi dekhne nahi aaya tha, Abhijeet pehle the jo dekhne aaye the. Chacha ji ne koi force nahi kiya tha shadi ke liye. Unka saaf kehna tha ki mujhe jo achha lagta hai ladka wo bata do, koi jaldi nahi hai. Maine 'na' bola aur Abhijeet hi pasand hai bolke haan bhar diya. Chacha ji ne phir bhi 2-3 din tak Abhijeet ke gharwalon ko mera decision nahi bataya. Unhone kaha ki tum Abhijeet se milke aur baat kar sakti ho koi dikkat nahi. Lekin ab shayad uski zarurat nahi thi.

Ghar mein shadi ka mahaul shuru ho gaya tha, par mere liye ye sab kisi mechanical process jaisa tha. Chacha ji ne kapde aur gehno ki list final kar li thi. Maine zyada kuch nahi bola, bas unka faisla maan liya. Yashuu har roz ghar aati, kabhi packing mein madad karti toh kabhi meri pasand ke rang dhoondti. Mera darr ab gusse mein nahi, balki ek ajeeb si thakan mein badal gaya tha. Maine apna wo purana mobile, jisme meri saari technical duniya aur Yashuu ke saath hui baatein thin, use bade sambhaal kar apne bag ke kone mein rakha. Maine socha, shadi ke baad shayad ye sab chhut jayega, par ye mera wo 'space' tha jise main khona nahi chahti thi.

Shadi ki rasmein ek ke baad ek guzarti gayin. Jab vidaai ka waqt aaya, toh Chacha ji ne sirf mere sar par hath rakha. Unki aankhon mein wahi fikar thi jo hamesha rehti thi. Wo pehli baar tha jab chacha ji ne bohot kuch bol diya tha. Unhone kaha, "Meri koi beti ya aulad nahi hai lekin sab naseeb ka khel hai, mere naseeb mein tum beti ban ke aaye ho. Maine apni beti ki tarah hi samjha hai tumko. Kabhi bhi mat sochna shadi karke tum yahan se ja rahi ho. Main yahin hoon. Jab tak saans chalti rehti hai hamesha saath hoon." Chacha ji ne pehli baar mann halka karke itni saari baatein bol di thin. Papa ke jaane ke baad pehli baar tha ki main chacha ji ke gale mil rahi thi. Maine Yashuu ki taraf dekha, usne bina bole bas aankhon se hi kaha "Normal rehna, darna mat."

Shadi ke fere ho gaye, hone wale pati ki shakal par khushi thi, mere chehre pe bhi. Main car mein baithi aur mera purana ghar piche chhootta gaya. 200-250 km ka wo safar bahut lamba tha. Naye ghar pahunchte hi rasmon ka silsila phir shuru ho gaya. Sab log dekhne aa rahe the, sawal puch rahe the. Main bas 'haan' aur 'na' mein jawab de rahi thi. Abhijeet ka ghar kaafi bada aur shant tha. Jab sab mehman chale gaye aur main pehli baar apne naye kamre mein aayi, toh mujhe laga ki ab meri real life shuru hogi.

Abhijeet ne mujhe dekha. Wo thaka hua lag raha tha. Usne koi lambi-chaudi baat nahi ki, bas itna kaha, "Suhani, mujhe pata hai tum thak gayi hogi. Ye ghar ab tumhara bhi hai, tumhe jaise rehna hai, raho. Koi pressure nahi hai." Usne mera wo bag side mein rakha jisme mera mobile tha. Maine note kiya ki usne koi curiosity nahi dikhayi, koi sawal nahi pucha. Wo chupchap balcony ki taraf chala gaya.

Agli subah jab main uthi, toh ghar ke kaamon mein lag gayi. Kitchen sambhalna, logon se milna—ye sab mere liye naya tha. Par ek cheez jo badli nahi thi, wo tha mera mobile. Dopahar mein jab mujhe thoda waqt mila, maine apna phone on kiya. Wahi wo pal tha jab mujhe ehsas hua ki shadi ne meri azadi chhini nahi hai. Abhijeet ne mujhe dekha jab main phone par kuch technical cheezein check kar rahi thi, par usne bas muskurakar ek glass pani liya aur chala gaya. Wo pehla din tha jab mujhe laga ki shayad Yashuu sahi thi. Shadi sirf khone ka naam nahi hai. Maine us din pehli baar sukoon ki saans li aur socha, "Chalo, ab yahan se ek naya panna shuru karte hain."

Shadi ke kuch hafte baad main Abhijeet ke ghar mein apni jagah banane lagi thi. Abhijeet ne kabhi jaldi nahi ki. Woh apne kaam pe jaata tha, main ghar sambhalti thi. Dheere-dheere main uske saath ghulmilne lagi. Abhijeet ne kabhi mujhe rokne ki koshish nahi ki. Jab main late raat tak mobile pe hoti, woh bas paas baith jata aur kuch nahi bolta. Ek baar maine usse pucha, “Tumhe bura nahi lagta?” Usne muskurate hue bola, “Nahi, tum apna time lo. Main yahan hoon jab tumhe baat karni ho.”

Ek shaam hum dono balcony mein baith kar chai pi rahe the. Maine dheere se usse apne college ke dinon ki baat ki. Woh chupchap sun raha tha. Jab main khatam kar chuki, usne sirf itna kaha, “Tumne bahut kuch akela sambhala hai Suhani. Main yahan hoon, jo bhi share karna ho, kar sakti ho.” Us din maine pehli baar feel kiya ki shadi ke baad bhi main khud ko nahi kho rahi thi. Main dheere-dheere uske saath ghulmil rahi thi, aur ye ghulna-milna mujhe achha lag raha tha.

Toh aise mere bachelor se married Suhani ka safar complete ho gaya... phir bhi yahin milungi kisi din naye chapter ke sath. Good night!

Meri asli zindagi 2007 ki us ek baarish wali shaam ko kahin peeche chhoot gayi thi. Main sirf 13 saal ki thi—ek aisi umar jab duniya sirf school ki baaton, doston ke mazaak aur maa-baap ke pyar tak simti hoti hai. Par us ek car accident ne mera sab kuch ek pal mein raakh kar diya. Mere papa ka wo hansta hua chehra aur mummy ki wo lori... sab us thandi sadak par hamesha ke liye dafan ho gaye.

Mujhe aaj bhi yaad hai hospital ki wo thandi, safed deewaren jo mujhe ghoorti thin. Naak mein wo kadwi dawaiyon ki mehek aaj bhi saans leti hai, jaise wo haadsa kal hi hua ho. Sabse zyada chubhne wala tha wo **sannata**. Hospital ke corridor mein har kisi ke paas koi na koi tha, par mere paas sirf khamoshi thi. Koi nahi tha jo mera haath pakad kar kahe ki "Suhani, rona mat, main hoon na." 13 saal ki bachi ke liye maut ka ye tajurba itna kadwa tha ki meri aankhon ke aansu usi din sookh gaye. Log kehte hain bacche rote hain, par main us din patthar ban gayi thi.

Vikram Chacha mujhe apne ghar le aaye, par wo ghar nahi, ek discipline ka lohe wala qila tha. Chacha defence mein the, isliye unke liye emotions se zyada niyam (rules) ke maayne the. Subah thik 5 baje, jab duniya so rahi hoti, mera alarm bajta. Bed ki chadar ka ek-ek kona millimeter ki hoshiyari se set hona chahiye tha, warna saza pakki thi. Maine rona chhod diya, kyunki maine samajh liya tha ki is duniya mein kamzori ki koi jagah nahi hai. School mein jab dusre bacche apne parents ke saath aate, main apni purani cycle ke pedal maarti hui nikal jaati. Log mujhe "bechari" kehte, par unhe nahi pata tha ki wo 13 saal ki ladki andar se faulad ho rahi thi taaki kismat dobara use tod na sake.

Mere school mein zyada friends nahi the, bas ek hi dost thi **Yashuu**. Wo meri bahut kareebi dost thi jisko main sab kuch share karti thi. Wo mujhe samajhti thi. Hamara connection bahut achha tha aur hamara ghar aana-jaana hota tha. Uncle usko bhi meri tarah maante the. Yashuu college mein topper thi, uska fayda mujhe bhi hota tha. Hum aksar saath mein study ho ya baaki sharing-caring, sab saath mein karte the.

College ke din shuru huye toh maine technology ko sirf ek subject ki tarah dekha. Computer lab ki wo thandak mujhe sukoon deti thi. Networking aur programming ki thodi bahut samajh thi, lekin mera hacking se door-door tak koi lena-dena nahi tha. Main bilkul baaki ladkiyon jaisi dikhna chahti thi—vahi assignments ka tension, vahi exams ki raatein jab hum canteen mein coffee pee-pee kar jaagte the, aur doston ke saath ghanton hansi-mazaak.

Par un bheed bhari baaton mein bhi, main aksar khidki ke bahar dekhti aur sochti kya meri zindagi kabhi normal hogi? Mere sapne bahut sadharan the—ek achhi degree mil jaye, ek sukoon bhari naukri ho, phir ek din shadi aur ek chota sa pyara sa parivaar. Main bas ek aisi zindagi chahti thi jahan koi naya haadsa na ho, jahan sab kuch **'Predictable'** ho.

Maine kabhi khwab mein bhi nahi socha tha ki meri ye ungliyan jo aaj notes bana rahi hain, kabhi bade-bade servers ki security todengi. Main bas ek normal ladki thi jo apne kal ko secure karna chahti thi. Wo 6 saal maine sirf ek aam insaan ki tarah jiye, par wo discipline jo Chacha ne sikhaya tha, wo mere codes ki tarah mere khoon mein daud raha tha. Har code, har logic mere dimaag mein ek army formation ki tarah set hota tha.

Meri zindagi ka sabse bada aur anokha mod 2018 mein aaya. Vikram Chacha ne mere liye ek rishta dhoonda tha. District same tha, ye ek achhi baat thi mere liye. Mera ghar unse 200-250 Km door tha—haan matlab ek din ka travelling maan lo. Lekin ek anjaan shehar, naya parivaar... main andar se kaanp rahi thi. Kya main ek naye mahol mein fit ho paungi? Kya ye log meri khamoshi ko samajh payenge? Par mere pati ne mere saare darr pehli hi mulakat mein khatam kar diye. Unhone meri aankhon mein wo chingari dekhi jo maine duniya se chhupa kar rakhi thi.

Ye wo waqt tha jab main meri dost se alag ho gayi. Haan, hamari baatein hoti thin call pe lekin ab doori ho gayi thi hamare beech mein.

Hacking ki duniya mein mera kadam kisi bade haadse se nahi, balki ek chhoti si gharelu madad se shuru hua tha. Mujhe yaad hai wo dopahar, mere pati apne office ka koi zaroori kaam kar rahe the. Wo ghanton se laptop ke samne baithe pareshan dikh rahe the. Unka koi software ya database query baar-baar fail ho rahi thi. Maine door se unhe dekha, unki peshani par paseena tha aur wo baar-baar ek hi jagah atak rahe the.

Maine dheere se pucha, "Kya main dekhun?" Unhone thoda hairani se mujhe rasta diya. Maine screen par nazar daali—wo networking aur programming ki basics jo maine college mein seekhi thin, wo mere dimaag mein tezi se ghoomne lagi. Maine bas do-teen jagah logic change kiya aur kuch codes modify kiye. Aur jaise hi 'Enter' dabaya, wo pura system jo ghanton se atka tha, ek second mein run kar gaya. Mere pati wahi thamm gaye. Unhone mujhe aise dekha jaise mujhe pehli baar pehchan rahe honge. Unhone muskurate huye kaha, "Suhani, tumhare paas ek aisa dimaag hai jo technology ki bhasha bolta hai, aur tum ise ghar ki chaukhat tak simit rakh rahi ho."

Unki baat sunkar main thoda darr gayi aur peeche hat gayi. Maine apna haath laptop se hata liya. "Nahi, ye toh bas aise hi ho gaya... maine bas thoda dimaag lagaya," maine kaha, par mere dil mein ek ajeeb si ghabrahat thi. Mujhe lag raha tha ki main is kabil nahi hoon, ya shayad ye badi-badi technical baatein mere liye nahi bani. Maine hamesha khud ko ek sadharan ladki ki tarah dekha tha jo sirf ek achha ghar chalana chahti thi.

Par mere pati ne mera haath thama aur meri aankhon mein dekh kar kaha, "Suhani, ye koi ittefaq nahi hai, ye tumhara hunar hai. Agar tum aaj ise nahi pehchanogi, toh tum apne saath galat karogi."

Unhone mujh par mujhse bhi zyada bharosa dikhaya. Unhone hi mujhe **Ethical Hacking** aur cyber security ke baare mein bataya, mujhe seekhne ke liye saaman diya, aur hamesha mere peeche khade rahe jab bhi main ghabrayi. Us ek dopahar ne meri poori zindagi badal di. Jo Suhani kal tak sirf ghar ke kaamo mein khushi dhoondti thi, wo ab raaton ko jaag kar computer ki barikiyaan seekhne lagi thi. Wahi waqt tha jab Suhani, ek aam ladki se, ek "Hacker" banne ke raste par nikal padi.

Jab ghar ke saare charag bujh jaate aur poora shehar gehri neend mein hota, tab meri asli duniya jagti thi. Main apne purane laptop ki screen ke samne baithti, aur uski neeli roshni mere chehre par ek ajeeb sa sukoon laati thi. Shuruat mein mujhe sab kuch ek pahad jaisa mushkil lagta tha. Mere liye Linux ka wo kaala terminal kisi anjaan bhasha jaisa tha. Commands likhti toh error aate, aur har error mujhe meri purani "sadharan ladki" wali pehchaan ki yaad dilata ki shayad main ye nahi kar sakti.

Mere pati ne mere liye raste banaye. Unhone mujhe **OSCP** jaise kathin exams ke baare mein bataya aur zaroori software mere system mein install kar diye. Par mera darr phir bhi nahi jaata tha. Mujhe yaad hai ek raat, main ek simple si vulnerability dhoondne mein fail ho gayi thi. Maine gusse mein laptop band kiya aur rone lagi. Maine unse kaha, "Main sirf ghar sambhal sakti hoon, ye sab mere bas ka nahi hai." Unhone tab mera haath thama aur bahut pyari baat kahi, "Suhani, tum code se nahi, apne darr se haar rahi ho. Ek hacker wo nahi hota jo pehli baar mein system tod de, hacker wo hota hai jo tab tak koshish kare jab tak kamzori na mil jaye." Unki wo ek cup garam chai aur wo bharosa hi tha, jisne mujhe har raat dobara khade hone ki himmat di.

Maine online **Capture The Flag (CTF)** competitions mein hissa lena shuru kiya. Ye kisi game se kam nahi tha. Ek system hota, usmein ek 'Flag' chhupa hota, aur mujhe dushman ki tarah uski security tod kar wo nikalna hota tha. Shuruat ke do-teen baar main buri tarah haari. Leaderboard par apna naam sabse neeche dekh kar dil toot jata tha. Par mere andar wo Vikram Chacha wala discipline tha—haar maanna maine seekha hi nahi tha.

Maine din-raat ek kar diye. Main ghanton 'Metasploit' aur 'Nmap' jaise tools ke saath khelne lagi. Ek din, ek international contest mein, maine wo loopholes dhoond nikale jo bade-bade professional hackers nahi dekh paye the. Jab screen par green color mein likha aaya "Flag Captured", toh meri aankhon mein chamak aa gayi. Us din mujhe pehli baar laga ki main sirf Suhani nahi hoon... main ek **"Grey Hat Hacker"** hoon.

Mujhe koi badi degree nahi chahiye thi, mujhe bas ye sabit karna tha ki ek ghar ki chaukhat ke andar rehne wali ladki bhi poori duniya ke server hila sakti hai. 2018 ke khatam hote-hote, meri ungliyan keyboard par itni tezi se chalti thin ki wo mere dimaag se bhi tez sochti thin. Maine seekh liya tha ki digital duniya mein asli taqat physical nahi, balki **"Logic"** hoti hai.

Jaise-jaise meri ungliyan keyboard par tez hone lagi, mere pati ne mujhe hacking ki us asli duniya se milwaya jahan sirf codes nahi, balki 'Niyat' (intent) ka khel hota hai. Ek shaam, unhone laptop band kiya aur meri aankhon mein dekh kar samjhaya ki is raaste par teen tarah ke log milte hain:

**Black Hat Hackers:** Wo log jo andhere mein rehte hain. Unka maqsad sirf tabahi, chori aur kisi ka nuksan karna hota hai. Wo kanoon todte hain aur kisi ki zindagi barbaad karne se pehle sochte nahi.

**White Hat Hackers:** Ye wo log hain jo digital duniya ke sipahi hain. Wo sirf ijazat lekar system check karte hain taaki kamzori sudhar sakein. Wo kanoon ke daire mein reh kar kaam karte hain.

**Grey (Green) Hat Hackers:** Ye wo log hain jo beech ka raasta chunte hain. Kabhi-kabhi wo bina puche system mein ghuste hain, par unka maqsad bura nahi hota. Wo dushman ki kamzori dhoond kar use sudharne ki koshish karte hain, bina kisi ka nuksan kiye.

Mere pati ne mera haath apne haath mein liya aur mujhse ek bahut bada waada maanga. Unki awaaz mein ek sanjeedagi thi jo maine pehle kabhi nahi dekhi thi. Unhone kaha, "Suhani, tumhare paas ab wo chaabi hai jisse tum kisi ka bhi darwaza khol sakti ho. Par yaad rakhna, tum hamesha Green (Grey) Category mein hi rahogi. Chahe kitni bhi mushkil aaye, chahe kitna bhi gussa ho, tum apni taqat ka istemal kisi ka bura karne ke liye kabhi nahi karogi."

Maine unki aankhon mein dekha aur sar jhuka kar unhe waada kiya. Maine samajh liya tha ki hacking ek talwar jaisi hai—ye is par depend karta hai ki ise chalane wala kaun hai.

Iske baad unhone mujhe sabse zaroori sabak sikhaya. Jab main apni pehli badi security breach solve kar rahi thi, toh main thodi over-confident ho gayi thi. Tab unhone mujhe roka aur kaha, "Suhani, kabhi bhi apne opponent (virodhi) ko kam samajhne ki bhool mat karna. Ek hacker tabhi haarta hai jab wo ye sochne lagta hai ki wo sabse hoshiyar hai. Hamesha samne wale ko apne se ek kadam aage maan kar chalo, tabhi tum uski chaal samajh paogi."

Unka ye sabak mere dimaag mein patthar ki lakeer ban gaya. Maine seekh liya tha ki digital jung mein jeetne ke liye sirf tez dimaag nahi, balki sabr (patience) aur dushman ki izzat karna bhi zaroori hai. Maine apne codes ko apna hathiyar banaya, par apni niyat ko hamesha saaf rakha. 2018 ke khatam hote-hote, main sirf ek hacker nahi, balki ek **"Usool-pasand sniper"** ban chuki thi jo pardo ke peeche reh kar digital duniya ki hifazat karna jaanti thi.

Jab main "Chahat Dil Ki" blog par sirf ek moderator ke taur par kaam kar rahi thi, tab hamare sath dhire-dhire naye log judne lage the. Ab ye sirf ek shakhs ka blog nahi raha tha, balki ek puri team ban chuki thi. Hum sab milkar logon ki problems solve kar rahe the aur blog ka structure sudhaar rahe the. Ek din hum sab ke beech baat chali ki blog ka purana naam ab hamare kaam ko suite nahi kar raha. Humne tay kiya ki ab is blog ko ek nayi pehchan deni hai. Team mein sabne apne-apne hisab se alag-alag naam suggest kiye. Koi technical naam chahta tha, toh koi thoda emotional. Maine jab Vaibhav Bhai (tab wo mere liye 'Sir' the) se pucha ki unke mann mein kya hai, toh unhone bina der kiye ek naam suggest kiya "Dream Team". Maine jab pehli baar ye naam suna, toh mujhe iske piche ka logic bahut simple aur pyara laga. 'Dream' yani sapna. Yahan blog par zyadatar wahi log aate the jinke sapne toot rahe hote the ya jo apni zindagi se haar maan rahe hote the. Hamari team unke unhi bikhre huye sapno ko sanwarne ka kaam karti thi, unhe ek nayi umeed deti thi. Toh "Dream Team" naam hamare is nek kaam par bilkul fit baithta tha. hamko ye naam itna pasand aaya ki hamne sabhi ne decide kiya ki blog ka name Dream Team Hoga or jitne log involve hai wo bhi apna username Dream word se rakhenge isse baki logonko ko bhi pata chalega ki ye person blog se related team ka hai. to sabne us time apne sare social media me same name rkahan start kiya. Us waqt mere liye ye sirf ek behtareen naam tha jo hamari nayi team ki pehchan ban raha tha. Maine turant blog ka backend sambhala aur is naye naam "Dream Team" ko header par itne achhe se design kiya ki wo har aane wale shakhs ko ek nayi umeed dene laga. Wahi se hamara blog "Chahat Dil Ki" se badalkar hamesha ke liye "Dream Team Era" ban gaya.

Who is Silent Writer ? (Click Me)

Silent Writer Matlab dream Writer ha vahi jo is blog ka owner hai to usaki meri mulakat kaise kab huye ? yeh bahot badi story hai aur bas yahi story aaj cover karne ja rahi hoon. Waise main koi story Writer nahi hoon aur na hi mujhe yeh story likhne ki koi reason ya zaroorat thi, lekin is story se meri zindagi judi hui hai. Bahot si aisi cheezein hain jo mujhe hamesha ke liye is story ke zariye qaid karke rakhni hain. Mujhe yaad karne hain woh pal jo maine apne bhai ke saath bitaaye; usse jo mujhe mila aur mujhse use jo mila. Kaise usne meri help karke mere friend ki jaan bachaai. Aisi bahot saari memories mujhe is story ke zariye sambhal ke rakhni hain. Shuruwaat se shuru karti hoon… Waise sach kahoon toh maine aaj tak Candy Crush, Angry Birds, Temple Run aur Subway Surfers, bas yahi games khele hain. In normal games ko chhod kar PUBG mein jaana aur Ace tier ke liye mehnat karna mere liye bahot mushkil tha. Maine kuch soch kar ya apne mann se yeh dream nahi dekha tha ki PUBG mein Ace mein jaana hai. Yeh dream tha mere bhai ka. Waise toh mera koi saga bhai nahi hai. Aur main jis bhai ki baat kar rahi hoon, woh mujhe mila internet pe. Main zyadatar internet YouTube, TikTok aur Bollywood songs ke liye use karti thi. Din ka 1GB bhi mujhse khatam nahi ho paata tha. Main aur meri friend bahot kareeb the. Humne 10th se post-graduation saath mein complete kiya, ek hi college mein. Use chahiye thi Infosys mein job, isliye woh struggle kar rahi thi. Isi beech use pyaar ho gaya ek ladke ke saath. Pune mein dono internship ke liye same company mein select huye the. Maine apne city mein hi internship kiya tha. Meri friend pyaar mein pad gayi thi aur last mein mila dhoka. yashu matlab yashika meri friend the usiki vajah se silent Writer ko chapter add hua mere life me .
ye complete story alag se likha hai maine just isi story ke uper niche kahi hogi. "Yashika my Best Friend " isi story me silent Writer ka introduction hai. pehele wo story read karke vapas yaha aao. tabhi silent Writer se mulakat kaise huye wo part samjh aayega.ye story silent Writer se mulakat hone ke bad ki hai. silent Writer person ek blog Writer hai jo as love guru kaho ya trobleshooter ka kam karta tha online blog me. vahi mere jan pechan huye bate hoti rehate the online.me karib 1.5 year se blog me usake active thi.moderator role manage mil chuka tha . lekin silent Writer se sirf formally bate hoti thi.personal kuch nahi bat huye kabhi family ya baki kuch.Phir achanak ek din uska message aana band ho gaya. Do din tak blog pe bhi koi activity nahi thi. Mujhe mann mein darr lagne laga. Phir mujhe pata chala ki wo hospital mein admit hai... aur wo coma mein hai. "Coma" word sunte hi mere haath thande ho gaye. Sabse bada coincidence toh yeh tha ki Writer jis hospital mein admit tha, wo meri hi city mein tha. Main kismat par yakeen nahi karti thi, par us din mujhe laga ki shayad destiny sach mein hoti hai. Writer ke admit hone ki khabar milte hi main darr gayi thi. is time tak matlab ab me story likh rahi hu to ye sab incident huye 1 se 1.5 year ho chuka hai. mere shadi hogaye hai or bachhi bhi hai mere. jab ye incident hue Us waqt Abhijeet city mein nahi the, apne kaam se bahar gaye huye the.
Maine turant unhe call kiya aur saari baat batayi. Maine unse share kiya ki wahi Silent Writer hai jisne Yashu ki jaan bachayi thi. unka mera past pata tha silent Writer blog wo sab jante the pehele. Abhijeet ne meri baat ko bahut dhairya se suna. Maine unse acche doctors ke baare mein bhi pucha, lekin is maamle mein unki taraf se koi khaas technical help nahi ho pa rahi thi. Par unka pehla reaction yahi tha ki mujhe turant jaana chahiye. Unhone mujhse kaha, "Suhani, tumhe fauran hospital jaana chahiye aur use dekhna chahiye." Maine unhe Writer ke baare mein bahut kam shabdon mein bataya tha, lekin shayad wo us chhoti si baat ko bhi poori tarah samajhte the, isliye unhone mujhe kabhi roka nahi, balki hamesha jaldi jaane ke liye bola. Mere dimaag mein unki wahi baat ghoom rahi thi, "Suhani, duniya mein har rishta khoon ka nahi hota, kuch rishte insaniyat aur niyat se bante hain. Jab kisi ki madad karo toh ye mat dekho ki wo kaun hai, bas ye dekho ki tumhari wajah se kisi ki umeed zinda reh sakti hai."
Hospital ke raste mein mera dimaag buri tarah sawalon se ghira hua tha. Main yahi soch rahi thi ki wahan Writer ki family hogi, uske dost honge, unse main kya kahungi? Main unhe kaise bataungi ki main kaun hoon aur main Writer ko kaise jaanti hoon? Jitni meri baat Writer se hui thi, usse mujhe ye acche se pata tha ki wo ek blogger hai aur uski is social life ke baare mein uske gharwaalon ko aaj tak kuch bhi pata nahi tha.
Agar main unse kahun ki main use blog ke zariye jaanti hoon, toh shayad ye uski privacy ke khilaf hota. Yahi sab sochte-sochte main bechaini mein hospital pahunch gayi. Lekin jab main wahan pahunchi, toh meri soch aur reality mein zameen-aasmaan ka farq tha. Main darr rahi thi ki bheed hogi, log sawal puchenge, par wahan koi bhi nahi tha. Writer bilkul akela tha. Na koi parivaar ka sadasya, na koi purana dost, aur na hi uske sheher ka koi jaanne wala. Ek insaan jo internet par hazaron logon ki zindagi badal raha tha, aaj wahan ICU ke bed par bilkul tanha pada tha. Wo manzar dekh kar meri saari dar aur jhijhak khatam ho gayi, aur uski jagah ek ajeeb sa dard aur zimmedari ne le li. Main turant ICU ke andar gayi. Wahan ki sanitizer ki smell aur machines ki awaaz ne mujhe bechain kar diya tha. Jab doctor ne mujhse pucha ki mera usse rishta kya hai, toh main pehle shant thi. Lekin kuch seconds baad apne aap mere moonh se nikal gaya, "Main uski behen hoon." Main nahi jaanti maine ye kyun bola, lekin wo bas nikal gaya. Shayad us waqt mujhe laga ki is akelepan mein use ek apno wali pehchaan ki sabse zyada zaroorat hai. Jab maine use pehli baar dekha, toh jaisa maine imagine kiya tha . jisse me 1 sal se bhi jyada online bat karti the wo samne hai. lekin me use pehchan nahi pa rahi hu. wo usse bilkul match nahi karta tha. Mere saamne ek bilkul kam umar ka ladka shaant leta hua tha. Doctors se baat karne ke baad pata chala ki usne apni body research ke liye donate kar rakhi hai, isliye uska treatment free ho raha hai.
Ye sun kar mera dil baith gaya. Maine socha ki is insaan ne kitna kuch saha hoga aur kitne bade faisle akele liye honge. Usko is halat mein dekh kar mujhe yaad aaya ki abhi kuch din pehle hi toh hamari baat hui thi. Us waqt usne mujhse apni kisi physical problem ya kisi health issue ke baare mein zikr tak nahi kiya tha. Mere mann mein sawal uthne lage ki kya use sach mein koi takleef nahi thi, ya phir shayad usne abhi tak mujhe itna close mana hi nahi tha ki wo mujhse aisi personal baatein share kar sake. Usne itna bada dard apne andar chhupa rakha tha aur mujhe bhanak tak nahi lagne di. Us din maine tay kar liya ki ab main use akela nahi chhodungi, chahe wo mujhe apna maane ya na maane.Us din na chahte huye bhi main wahan se chali gayi, par mera mann wahi reh gaya tha. Tab se mera roz ka aana-jaana shuru ho gaya. Main har subah isi umeed mein hospital jaati ki bas kuch din aur, phir wo theek ho jayega aur hum phir se blog par baatein karenge. Lekin baat itni simple nahi thi. Jitna waqt beet raha tha, mujhe ehsas ho raha tha ki uski life mein kuch bahot bada ho chuka hai, par wo kya hai, ye mujhe nahi pata tha.
Mere liye ye pata karna bhi shayad ab possible nahi tha kyunki main uske kisi bhi dost ya parivaar ko nahi jaanti thi. Wo mere saamne ek khuli kitaab ki tarah leta tha, par us kitaab ke panna palatne wala koi nahi tha. Jaise-jaise time beet-ta gaya, meri bechaini badhti gayi. Ek din, na chahte huye bhi, maine uska mobile check karne ki koshish ki. Mujhe laga password hoga, patterns honge, par jab maine screen swipe ki toh main dang reh gayi. Pehle toh mujhe bharosa hi nahi hua ki koi apne mobile mein password kyun nahi lagayega? Ye insaan apna mobile bina kisi password ke use karta tha. Matlab samajh rahe ho, kitni "open life" hai iski? Aaj ke daur mein shayad hi koi aisa insaan hoga jo bina password ke mobile use karta ho, par Writer alag tha.
Uske mobile ka koi lock na hona mujhe ye bata raha tha ki uske paas chhupane ke liye kuch bhi nahi tha, ya shayad wo kisi ko bhi apne andar ki duniya dikhane se darta nahi tha. Main har subah isi umeed mein hospital jaati ki bas kuch din aur, phir wo theek ho jayega. Lekin baat itni aasaan nahi thi. Wo mere saamne ek khuli kitaab ki tarah leta tha, par us kitaab ke panna palatne wala koi nahi tha. Kisi ka personal mobile check karna acchi baat nahi hoti, yeh mujhe pata tha. Maine teen-chaar baar uska mobile haath mein liya aur phir wapas rakh diya.
Maine koshish ki kahin aur se kuch pata chale, par main khud jaanti thi ki shayad kuch nahi milega. Aakhir mein, maine uska mobile check kar hi liya. Wahan se mujhe kuch aisi baatein pata chali jo main pehle se jaanti toh thi, par mobile dekh kar mujhe ek naya nazariya mila. Uske phone mein "non-blood relation" wali teen behene aur ek dost se hui baatchit thi. Maine Ravi, Scarl, Gunjan aur Mahi (ye sab name usane unko diye the real name kuch or tha ) ke baare mein padha.
isne real name kabhi blog me use nahi kiya in tino behenoka. Ravi uska wo dost tha jo har mushkil mein uske saath khada rehta tha. Sakshi, Gunjan aur Mahi yeh teeno uski wo behene thi jinse uska koi khoon ka rishta nahi tha, lekin unki baaton se lag raha tha ki wo Writer ko apne sage bhai se bhi badhkar maanti thi Maine uske phone mein jo dekha, usne mere dimaag mein Writer ki ek nayi tasveer bana di.
Megha yaani Mahi : Phir mujhe "Mahi" ke baare mein pata chala, Writer ne uske liye likha tha ki wo uski dost or badi behen ki tarah hai. Mahi ne hi use sikhaya tha ki "Apni takleef ko doosron ki takleef se compare karo, toh tumhara dard chota lagega." megha ki shadi jaldi hogye thi age ke hisab se or shadi ke bad bhi wo apne pati ke sath nahi rehati thi ye bat pata chali .megha ka ek beta bhi hai. megha usake ma papa ke ghar rehati hai or Writer ki wo junior hai. matlab age se Writer se badi hogi shayad lekin college me usse junior hai. usko uske gharwale apne pati ke ghar jane ke liye bol rahe the lekin usako nahi jana tha. lekin gharwale usako bhej rhe the usake pati ke ghar. to ab is reason ke vajah se wo dur ho rahi thi kyunki usake pati ke ghar jane ke bad mujhse megha se Writer ka bat krna acha nahi lagega shayad isliye wo ab Writer se dur ja rhi thi. Maine socha, kya isi wajah se Writer aaj itna shant leta hai? Kyunki usne apne dard ko duniya ke saamne chota maan liya tha?
Gouri (Gunjan): Phir mujhe Gouri ka zikr mila, jise Writer ne "Gunjan" ka naam diya tha. Wo uski mu boli behen thi jo uske shuruati dino se uski sabse badi support rahi thi. Maine apne mann mein saaf kar liya ki ye "Gunjan" hi asli Gouri hai jo Writer ki behen hai, usne thank you gunjan ke nam se bhi post dali thi ye vahi gunjan hai. gunjan yani ki gauri ek bindass girl thi uska mu pe bolna Writer ko acha lagta tha . gunjan mu fat thi bohot matlab logonko kya lagega ye soch ke man me bat rakhne wali ladki nahi thi bas wo samne bol deti thi. guuse wali bhi thi lekin wo depend karta tha logonpe ki wo kaise behave karenge waise he gauri behave karegi, gauri bhi kisise pyar karti thi pehale jo same cast ka nahi tha. isliye shayad dono alag hogye the. gauri or megha dono classmate hai.
Sakshi (Scar L): Maine jab "Scar L" naam padha, toh mujhe laga koi game ki baat hai, par wo toh uski behen Sakshi thi. Unki mulakat Exam Section mein hui thi. Writer ne uski har bariki note ki thi kaise wo hasi majak ke beech achanak sunn ho jati thi aur khana khate waqt palke tak nahi jhapkati thi. Sakshi ne hi use "Destiny Writer" ka title diya tha. Suhani ko ehsas hua ki Writer ne us bachi par kitna trust kiya tha. sakshi hinde bolti thi kyunki wo proper Jhansi se thi maharashtra ki nahi thi wo yah rehti thi lekin wo jhansi ke the. sakshi me bachpana tha abhi bhi wo choti bacchi ki tarah ladti jhagti thi. wo pyar me thi kisike lekin usake bare kuch mention nahi tha. to overall sakshi ek choti bachhi thi Writer ke age me uske age me bhi 2-3 sal ka gap tha wo choti thi. sakshi bhi Writer ki junior thi. sakshi jab problem me hoti thi ti sabse he gusse se bat karti thi. Writer se kuch share nahi karti thi wo. Writer ki diary me ye bat bar bar mention hai ki sakhi usake sath kuch share nahi karti thi is vajah se Writer uspe gusa tha lekin sakshi se kuch gussa nahi karta tha . lekin sakshi ki man ki bat usako pata chalti thi. ye bas sakshi ko bhi pata tha usane bhi ye bat accept ki thi. lekin jab sakshi gusse me hoti thi to sabse bat krna band karti thi. fir chahe wo koi bhi sabse wo gusse me bat krti thi sabko same treat karti thi. ye bat galat lagi mujhe.
overall sakshi ,gauri, megha tino Writer ke city se hai same college se hai. tino bhi Writer ke juniour hai . Writer part time exam leta tha online jaha pe wo IT supervising ka kam karta tha . online exams me invigilator ke liye wo in tino beheno ko bulata tha.sabke sath usake contact bhi ache the . lekin sab ek ek karke achanak se dur ho rhe the ya already hogye hai. gauri ke sath missunderstanding hogye thi. gaouri kisike pyar me pdi thi shayad and Writer us ladke ko janta tha mana kar rha rha usko and Writer se kuch flow flow me aisa nikal gaya ki gauri ko expect nahi tha. Writer ko gauri pasand thi pehele lekin tab startig starting me tab na hi usake contact me tha ya batchit hoti thi. aisa bhi kuch nahi tha ki love at first sight wala kuch tha . bas kuch pal ki liye tha jab hame koi first time dikhta hai to to bolte hai na wo kitna acha hai ya achi hai. bas kuch waise hi. lekin bad me gauri ke sath contact bad gaye to wo bat Writer me man bilkul bhi nahi thi ki jab usane usko dekha tha to kya feeling thi. tab us time me and jab wo usko behen manta tha usme bohot time ka gap tha. jab gauri ko samjha rha tha ki wo ladka acha nahi hai to kuch bhi kehne se wo man nahi rhi thi ise douran Writer se nikal gaya tha ki gauri ko pasand karta tha ya usako pehele like karta tha. bhale aaj ko situation hai ya aaj jo rishta hai wo bhai behen ka hai lekin shayad gauri ke man me ye bat baith gye hogi shayad Writer ab tak usako usi najar se dekha hai to shayad ye reson tha gauri ka dur jane ka.
Writer ki dairy me mujhe gauri ke liye sirf as s sister he mention kiya gaya paya hai. bhale insan sabse , duniya se kitna bhi jhuth bole wo diary me jhuth nahi bolta. usake diary me gauri ka jikar ek behen keh hi usane kiya hai lekin. usaki ek galat sentense ke vajah se shayad aab gauri dur hai. gauri shayad apni jagah thik hai lekin usako ek bar ye samjhni chahiye thi ki Writer chahta to ye bat chupa sakta tha lekin usane accept kiya sach bol diya. usane man me kuch nahi rakha . lekin is bat ko gauri ne dyan nahi diya . shayd usako yahi lag raa tha ki Writer aaj bhi usako waise he dekhata hai. lekin aisa nahi tha. shyad me writer ko itne din se janti hu isliyye me isake side se baat kar rahi hu shyad. ho sakta hai gouri shayad ye soch rahi hogi ki shayad usake writer ke contact me rahne se writer ke man purani bat ya purani rishte firse jage shyad isliye contact toda. pata nahi uska angle kya raha hoha lekin stories me jitna padha hai usake bare to usane kuch soch samjh ke hi dicision liya hoga. ab shayad sab saf pata lag rha hai ki sab kaise kuch kya hua hai.
Maine jab doctors se baat ki, toh unhone mujhe asli wajah batayi jo Writer ki is halat ke peeche thi. Reports mein saaf likha tha ki uske neck ki nason mein ek bada issue tha. Ye nasen seedha uske brain se judi thin, jiski wajah se uski memory aur consciousness par seedha asar pad raha tha. Mujhe ab samajh aaya ki wo kyun itna shaant leta tha. Gardan ki un nason mein takleef ki wajah se uska dimaag sahi se kaam nahi kar pa raha tha. Wo shayad hum sabko dekh raha tha, hamari baatein sun raha tha, par uska sharir aur dimaag use jawab dene ki ijaazat nahi de rahe the. Uski yaadein wo blog, Ravi, Sakshi, Gunjan aur Mahi sab shayad uske dimaag ke kisi kone mein ulajh kar reh gayi thin. Maine uske chehre ki taraf dekha. Jo insaan apni baaton se doosron ki kismat badal deta tha, aaj uski apni kismat uski gardan ki un nason mein atki hui thi. Hospital ki machines ki 'beep' mujhe lagatar yaad dila rahi thi ki uske paas waqt kam hai aur uski memory shayad dheere-dheere dhundli pad rahi hai. Maine pehli baar uske thande hath ko apne dono hathon mein liya. Itne dinon se main bas use door se dekh rahi rahi thi, ek khamosh tamashbeen ki tarah. Par aaj mujhse raha nahi gaya. Maine apna sar uske bed ke kinare tika diya aur dheere se usse baatein karni shuru ki.
Main jaanti thi ki shayad wo sun raha ho, par bol nahi sakta. " Writer ... main Suhani . Wahi Suhani jiski dost Yashu ki tumne jaan bachayi thi. Tumhe yaad hai na, tumne blog par mujhse kaha tha ki kismat mein jo likha hai wo hoke rehta hai? Dekho, shayad meri kismat mein tumse is mod par milna hi likha tha." Maine un teeno behenon Mahi, Gunjan aur Sakshi ka zikr tak nahi kiya. Mujhe pata tha ki unke baare mein baat karna matlab Writer ko un purani yaadon aur un takleefon mein wapas dhakelna, jinse wo khud pichha chhuda chuka tha. Main nahi chahti thi ki uske dimaag mein wo purana dard dobara jaage.
"Pata hai, doctors keh rahe hain ki tum bahut jaldi theek ho jaoge. Unhone kaha hai ki tumhari halat mein sudhaar ho raha hai aur tum bas kuch hi dinon mein wapas aa jaoge."
Maine ye jhooth kitni aasani se bol diya tha, jabki sachai ye thi ki doctors ne mujhe saaf kaha tha ki uski gardan ki nason ka issue uske brain se juda hai aur halat bilkul theek nahi hai. Par main use ye dar kaise deti? Main use umeed dena chahti thi. "Tumne hi toh sikhaya tha na ki apne se neeche walon ko dekho toh apna dukh chota lagta hai? Aaj main tumhe dekh rahi hoon... aur mujhe mehsoos ho raha hai ki tum kitne mazboot ho. Maine tumhara mobile dekha... wo bina password wala. Tum kitne 'open' ho na? Tumhare paas kuch chhupane ko nahi hai, isliye shayad tum itne shant ho.
Maine abhi ye alfaaz poore hi kiye the ki achanak kamre ka sannata toot gaya. Monitor se aane wali 'beep-beep' ki aawaz jo ab tak ek raftar mein thi, achanak tez ho gayi. Maine ghabra kar screen ki taraf dekha Writer ki heartbeat ki line upar-neeche bhagne lagi thi. Machine ki aawaz itni tez ho gayi thi jaise wo koi khatre ka ishara de rahi ho. Mere hath-paun thande pad gaye. Mujhe laga jaise uski halat aur bhi kharab ho rahi hai. Maine turant bhag kar doctor ko inform kiya. Doctors aur nurses ki team turant andar aayi. Unhone mujhe bahar jaane ko kaha. Main ICU ke window ke darwaze ke bahar khadi thar-thar kaanp rahi thi, bas yahi dua kar rahi thi ki mere ek chote se kadam ki wajah se uski halat kharab na hojaye. Kuch der baad, doctors ne halat ko sambhal liya aur machines ki aawaz phir se normal hone lagi. Doctor bahar aaye aur unhone kaha, "Abhi condition stable hai, lekin humein bahut sawdhan rehna hoga. Unka dimaag kisi gehri halchal se guzar raha hai."Main wahan kursi par baith gayi.
Mere paas koi jawab nahi tha. Maine toh sirf use umeed dene ki koshish ki thi, par badle mein uski takleef badh gayi. Maine tay kiya ki ab main bahut sambhal kar baat karungi, lekin main use chhod kar kahin nahi jaungi. Maine toh sirf itna hi kaha tha ki main Suhani hoon aur hum blog ke zariye mile the... maine toh un behenon ya Ravi ka naam tak nahi liya tha, kyunki main jaanti thi wo yaadein tumhe takleef dengi. Phir ye panic kyun? Mujhe darr laga ki shayad mera usse baat karna, mera uske itne kareeb hona hi uske dimaag par bojh daal raha hai. Doctors ne condition sambhal li, par mere dimaag mein sawaalon ka toofan tha. Kya use mera ehsas ho raha hai? Kya wo mehsoos kar pa raha hai ki koi anjaan ladki uske sirhane baith kar use wapas bulane ki koshish kar rahi hai?Mujhe laga ki shayad wo isliye panic hua kyunki usne meri aawaz pehchan li hogi, ya shayad wo koshish kar raha tha mujhse kuch kehne . Wo andar hi andar tadap raha tha bahar aane ke liye.Maine tay kiya ki main use aur stress nahi dungi. Maine un purani baaton ko wahin chhod diya. Lekin ek cheez thi jo mujhe poori karni thi. Maine wahan baith kar apna mobile nikala. Maine un posts mein padha tha ki tumhara ek adhura sapna tha PUBG (BGMI) mein Ace Tier tak pahunchna. Tumne kaha tha ki is season ye poora karna hai. Maine kabhi aise games nahi khele the... Candy Crush aur Temple Run tak hi meri duniya thi. Par us din maine ICU ke bahar baith kar, kaanpte huye hathon se Play Store khola aur 'PUBG' search kiya. Jab tak wo download ho raha tha.jab me story likh rahi hu to is waqt india me pubg game ban hai. PUBG ek china ka game hai iske or bhi apps india me ban huye the tiktok bhi ban ho chuka tha.
me apne aapse se bat kar rahi thi. main tumhare shant chehre ko dekh rahi thi. Maine khudse se kaha, " Writer , tumne kaha tha na ki main seekh loongi toh tum mere saath kheloge? Dekho, main shuruat kar rahi hoon. Main Ace Tier tak jaungi... Din bhar hospital ke chakkar, doctors ki wahi purani baatein, aur ghar ke kaam... meri zindagi ek machine ki tarah chal rahi thi. Lekin jab raat hoti aur main Gouri ko sula deti, tab mera asli mission shuru hota tha. Jab poora ghar shant ho jata, tab main apne mobile mein wo game (PUBG) open karti. Bahar ki duniya so rahi hoti thi, par mere phone ki screen par ek alag hi jung chalti thi. Ek maa hone ke naate mera dhyan hamesha Gouri par rehta, par uske sone ke baad jo 2-3 ghante milte, wo maine sirf Writer ke liye rakh diye the. Main nahi chahti thi ki meri beti ko lage ki uski maa kisi aur cheez mein busy hai, isliye main hamesha uske sone ka intezar karti. Main apne kamre ki lights band kar deti taaki Gouri ki neend kharab na ho. Phone ki halki roshni mein meri ungliyan screen par tezi se chalti thin. Main ab 'Noob' se thoda aage badh chuki thi. Maine gun ki 'recoil' aur 'map' ko samajhna shuru kar diya tha. Har match jeetne par mujhe aisa lagta jaise main Writer ke dimaag ki un band nason ko thoda aur khol rahi hoon. Maine socha tha ki jis din main apne phone mein expert ho jaungi, us din main Writer ka phone uthaungi aur use Ace Tier tak le jaungi. iske aage story continue me karungi dusri story me jaha mera Ace Tier KA suffer me bataungi. to aaj ke liye itna he i love my self.. i belive in my self. good night bye bye.. fir milte next story me

Ace Tier Completed ( Click me )

Pichli baar maine kaha tha ki main adminship ke baare mein bataungi, toh aaj wahi baat karte hain. Log aksar puchte hain ki ek anjaan shakhs par koi itna bharosa kaise kar sakta hai? Mere aur Vaibhav (Silent Writer) ke beech bhi wahi hua. Saal 2019 ke aakhri dino tak hum sirf "Sir" aur "Suhani" the. Humne ek-dusre ko dekha tak nahi tha. Maine unhe as a 'Love Guru' ya troubleshooter jaana tha jisne meri dost Yashu ki jaan bachayi thi. Par 2020 mein kismat humein meri hi city ke ek hospital mein le aayi. Maine unhe ICU ke bed par dekha wo shant, bina kisi password ke mobile wala ladka. Maine unki behenon ke baare mein padha, unke dard ko samjha, par wo mujhe nahi dekh sakte the kyunki wo coma mein the. "Admin" shabd sunte hi main thoda thithak gayi. Moderator hona ek chhoti zimmedari thi, par Admin banne ka matlab tha poore blog ka control settings, security, aur saari posts ka access. Maine turant kaha, "Nahi Sir, mujhse ye nahi hoga.
Itne hazaron logon ka blog hai, agar mujhse koi galat button dab gaya ya backend mein kuch kharab ho gaya toh main kya karungi? Mujhe itna sab nahi aata." Mere dimaag mein bas yahi chal raha tha ki agar mujhse koi technical galti hui, toh unki saalon ki mehnat kharab ho jayegi. Par unhone bahut hi normal hokar kaha, "Suhani, tum moderator ke taur par pehle se hi blog ka kachra saaf kar rahi ho. Mujhe pata hai tum technical cheezon ko samajhti ho. Tum bas backend sambhal lo taaki main sukoon se recover kar sakun. Mujhe tum par pura bharosa hai ki tum kuch galat nahi hone dogi." Unki is baat ne mujhe thoda relax kiya. Maine dekha ki unhe is waqt sach mein ek aise insaan ki zaroorat hai jo unki digital duniya ko sambhal sake taaki wo apni health par dhyan de sakein. Maine 'haan' keh di aur wahi se meri 'Admin Suhani' wali journey shuru hui. Unhone mujhe changes karne ki permission di blog me, chahe wo security ho ya baki kuch technical batein. Maine Sir (Vaibhav) ko bina bataye unki digital security ko aur tight kar diya.
Rooted phone chalane ki wajah se mujhe privacy filters ki samajh thi, toh maine backend se spamming aur faltu ke logon ko puri tarah saaf karna shuru kiya. Yahan mere paas control tha. Unhe hospital se discharge mil gaya tha aur wo ghar ja rahe the, par unka ye digital ghar ab mere hathon mein safe tha. Unhone kaha ki kya main didi bula sakta hoon? Aap badi hain mujhse. Pehle mujhe samajh nahi aaya kyunki ab tak main unko kabhi bhai, Vaibhav, silent writer sab ek sath bolti thi, lekin jab yaad aata tha toh unhe main normally sir hi bol rahi thi. Toh maine bhi unse yahi kaha ki thik hai toh main bhi bhai kehke baat karu? Toh haan kaha unhone. Mujhe us waqt ehsas nahi tha ki ye rishta ab sirf "Sir aur Admin" ka nahi raha, balki ek "Bhai aur Behen" ki dosti mein badal gaya hai.
Adminship milte hi mere haath mein blog ka backend (Dashboard) aa gaya tha. Maine pehli baar jab structure page dekha, toh mujhe sab kuch bahut bikhra hua laga. Sir (Vaibhav) likhte bahut achha the, par unka dhyan design aur security par kam tha.
Maine socha, agar mujhe ye zimmedari mili hai, toh main ise itna behtareen banaungi ki jab wo wapas aayein toh dang reh jayein. Maine sabse pehle blog ke Layout aur Structure mein bade badlav kiye. Privacy Wall ke liye maine sabse pehle sidebar se wo saari cheezein hatayi jo zaruri nahi thin aur trackers ko block kiya. Maine rooted phone wali knowledge lagakar backend mein scripts add kiye taaki koi bhi easily content copy na kar sake ya spam links na daal sake. Navigation Menu ko maine itna simple kar diya ki koi bhi naya user aaye toh use 'Home', 'Stories' aur 'Contact' dhoondne mein mushkil na ho. Pehle sab kuch mix tha, maine categories banayi taaki unki har diary aur story alag se dikhe. "Clean Look" ke liye maine blog ka font aur rang thoda badla, light colors use kiye taaki padhne wale ki aankhon par zor na pade aur faltu ke widgets aur ads ko side kar diya. Moderation Rules Page ke liye maine ek alag se page banaya jahan saaf-saaf likha tha ki is blog par badtameezi bardasht nahi ki jayegi.
Maine ek automatic system set kiya jo keywords ke basis par gande comments ko turant 'Spam' mein daal deta tha. Mujhe yaad hai, jab main ye sab kar rahi thi, mera dil tezi se dhadak raha tha. Main baar-baar preview check karti ki kahin kuch bigad na jaye. Jab maine structure page ko puri tarah reorganize kar diya, toh blog ekdum professional aur 'Clean' dikhne laga. Jo log programming ya coding ka kaam karte hain, unhe pata hoga ki ek chhoti si galti bhi poore page ko bigad deti hai. Coding mein agar ek galat line delete ho jaye ya ek extra akshar add ho jaye, toh blog ka layout kharab ho jata hai aur kuch bhi nahi dikhta. Jab aisa hota tha, toh error dhoondhne mein hi 1-2 ghante nikal jaate the. Mera IT background tha aur college mein maine HTML aur JavaScript seekhi thi, isliye ye sab mere liye thoda asaan ho raha tha. Waqt ke sath is journey mein kuch aur log bhi hamare sath judte gaye. Ye log mujhe isi blog se mile aur unhone khud aage badhkar team join karne ki baat kahi. Ek baat jo mujhe sabse sahi lagi, wo ye ki mere baad jo bhi log aaye, wo kisi fayde ya lalach ke liye nahi aaye the. Hum mein se koi bhi is blog se ek rupaye ki salary ya kisi bhi tarah ka paisa nahi mangta tha. Sab log yahan apni marzi se aur free mein kaam kar rahe the. Yahi kaam agar kisi company mein karo, toh wo achha khasa paisa lete hain, lekin in logon ne yahan bina kisi lalach ke kaam karna pasand kiya. Inmein se zyada tar wo log the jinko Vaibhav Bhai ne tab help ki thi jab wo apne personal issues lekar blog par aaye the. Unhe solution mila aur wo apni life mein set ho gaye, isliye wo ek lagav ki wajah se team se judna chahte the. Shuruat mein humne bahut saari dikkatein dekhi, jaise kaam ka bojh aur mismanagement. Lekin humne haar nahi maani. Maine blog ke har ek hisse ko alag-alag study kiya aur unhe alag se solve kiya. Humne pages ko alag-alag kamo ke liye baant diya. Contact page par jo overload ki dikkat thi ya page submit karne mein jo error aate the, unhe maine coding se thik kiya.
Management ke liye humne ek system banaya: jisko jo kaam achhe se aata tha, usko wahi kaam diya gaya taaki wo ek hi kaam par dhyan de sake. Pehle sab log ek hi kaam mein lag jaate the, jisse purana kaam bacha reh jata tha. Humne ye sab set kar liya. Moderators ke liye maine ek rule book taiyar ki taaki sabko kaam karne ka tareeka samajh aa jaye. Blog par Disclaimer aur baki policy bhi daal di taaki naye users ko hamare rules pata chalein. Aise raha hamara adminship ka safar. Abhi bhi bahut kuch seekhna baaki hai, par hum jitna hoga utna kar lenge.

Jab maine pehli baar us blog par click kiya tha, toh mere dimaag mein sabse pehla sawal yahi aaya tha—"Silent Writer" hi kyun? Aaj ke daur mein jahan har koi apna naam banane ke liye shor macha raha hai, wahan koi khud ko 'khamosh' (silent) kyun kehna chahega? Maine unke articles padhne shuru kiye aur har ek line mein mujhe ek ajeeb sa sukoon mehsoos hua. Aisa lagta tha jaise likhne wala insaan duniya ki bheed se bahut door kahin akela baitha hai, par uski nazrein sab par hain. Usne apni asli pehchan ko parde ke peeche rakha tha, par uske lafz seedha dil par asar karte the.

Maine socha shayad yeh naam isliye hai kyunki woh bolta kam aur likhta zyada hai. Ya shayad isliye, kyunki zindagi mein kuch dukh aise hote hain jinhe hum zubaan se keh nahi sakte, unhe sirf khamoshi se kagaz par utara ja sakta hai. Mujhe aaj bhi yaad hai jab maine pehli baar unhe message kiya tha, toh maine bahut izzat ke saath "Sir" keh kar baat shuru ki thi. Mere dimaag mein ek tasveer bani hui thi ki koi 45-50 saal ka aadmi hoga, jisne poori duniya dekh li ho aur jo bahut serious rehta ho.

Maine kabhi sapne mein bhi nahi socha tha ki is "Silent" naam ke peeche ek 20-22 saal ka ladka ho sakta hai. Ek aisa ladka jiski apni zindagi mein ek alag hi jung chal rahi hai, par woh doosron ki raah aasaan kar raha hai. Unka disclaimer hamesha yahi rehta tha: "Yeh saari stories Silent Writer ki personal diary se li gayi hain." Tab mujhe ehsas hua ki yeh koi professional writer nahi hai jo paison ya fame ke liye likhta ho. Yeh toh bas ek aisa insaan hai jo apni khamoshi ko shabdon ka roop de raha hai.

Vaibhav ki har post mein ek gehri baat chhupi hoti thi. Woh kehta tha ki duniya mein sabse bada dard woh hai jo dikhayi nahi deta. Aaj jab main purani baaton ko yaad karti hoon, toh mujhe samajh aata hai ki woh naam "Silent Writer" kitna sahi tha. Woh shakhs khud khamosh reh kar doosron ke dukhon ko awaaz de raha tha. Usne mujhe sikhaya ki kabhi-kabhi khamoshi mein woh taqat hoti hai jo bade-bade bhashano mein nahi hoti.

Uski har ek line, uski har ek advice mere dimaag mein aaj bhi goonjti hai. Woh mere liye sirf ek blogger nahi tha, woh ek aisa dost aur bhai ban gaya tha jisne bina saamne aaye meri zindagi jeene ka nazariya badal diya. Aaj jab main un purani baaton ko sochti hoon, toh dil se sirf ek hi baat nikalti hai—ki uski khamoshi mein bhi ek bahut bada sabak tha, jo har kisi ke bas ki baat nahi thi samajhna.

I love myself... I believe in myself. Good night, bye bye! Milte hain agli story mein

Mujhe shor-sharaba aur logon ki bheed kabhi pasand hi nahi thi. 2007 ke us accident ke baad se mujhe thoda akela rehna hi zyada achha lagta tha. Mujhe lagta tha ki agar main apni asliyat sabko bata doon, toh log mujhe alag nazron se dekhne lagenge. Koi bechari samajh lega, koi door ho jayega. Main bas ye chahti thi ki log mere kaam ko pehchane, meri shakal ko nahi.
Accident ke baad sab kuch itna tez badal gaya tha ki main khud ko sambhal nahi paati thi. Pehle mummy-papa ke saath har cheez normal lagti thi. Lekin unke jaane ke baad ghar mein ek aisi khamoshi aa gayi jo har waqt mere saath rehti thi. Main sochti thi ki agar main sabko bata dungi ki main kitni tooti hui hoon, toh log ya toh mujhe pity karenge ya phir door ho jayenge. Mujhe dono hi cheezon se nafrat thi. Isliye maine apne aap ko chhupana shuru kar diya. Bahar se main normal dikhti thi padhti, khelti, hansti lekin andar se main bahut akeli thi.
Shadi ke baad jab main Abhijeet ke ghar aa gayi, tab zindagi mein ek naya chapter shuru hua. Ek din Abhijeet ne mera purana mobile dekha aur bola, “Isme security bilkul nahi hai.” Usne hi mera personal iPhone chhod kar ek Android mobile set kiya. Usne mobile ko root kiya, security changes kiye, better encryption lagaya aur privacy tools install kar diye. Us din usne mujhe bataya tha ki agar main is line mein aage badhna chahti hoon, toh security sabse pehle aati hai.
Uske baad Abhijeet ne mujhe dheere-dheere hacking ke basics sikhane shuru kiye. Raat ko baith kar woh mujhe tools sikhata, Linux ke errors fix karne mein madad karta aur ethical hacking ke baare mein batata. Pehli baar jab main CTF competition mein fail hui thi, toh usne mujhe bola tha “Code fear ke against likho, khud ke against nahi.” Dheere-dheere main is field mein gehri hoti gayi.
Cyber Cell mein kaam karte hue mujhe yeh baat bahut jaldi samajh aa gayi thi. Log bahar se sochte hain ki hacker matlab system todne wale, paise churane wale ya nuksaan pahunchane wale. Lekin asal mein hum grey hat hacker hain. Hum unauthorized access lete hain, lekin sirf vulnerabilities dhundhne ke liye. Hum kuch bhi illegal nahi karte. India ke defence ka hissa hone ke naate hum government aur sensitive systems ki security check karte hain taaki dushman unme ghus na sake. Humare kaam ka maqsad sirf desh ki suraksha hoti hai.
Meri ye hidden identity hi meri sabse badi dhaal thi. Jab tak log mujhe sirf ek aam gharelu ladki samajhte the, tab tak main screen ke peeche baith kar bade-bade kaam kar leti thi aur kisi ko pata bhi nahi chalta tha. Mujhe bas apne nishane par focus karna pasand tha, bina kisi shor ke. Mere personal kaam ke liye iPhone tha, lekin hacking practice, social media aur Cyber Cell ke sab kaam ke liye woh rooted Android mobile use karti thi.
Kabhi-kabhi raat ko jab sab so jaate, main apne bed pe let kar sochti thi kitna ajeeb hai ye zindagi. Bahar se main ek normal biwi dikhti hoon, lekin andar se main us duniya ka hissa hoon jahan naam nahi, sirf kaam bolta hai. Mujhe ye chhupana pasand tha. Isme ek alag si freedom thi. Koi judgment nahi, koi sawal nahi, sirf mera kaam aur mera silence.
Lekin kabhi-kabhi ye chhupana bhi bahut bhari padta tha. Jab dil bahut bhari hota tha, tab main sochti thi kaash koi ek aisa insaan ho jisse main apni poori asliyat bata sakun. Par aaj tak wo insaan nahi mila. Isliye main ab bhi chhupi hui hoon… apni screen ke peeche, apni chhoti si duniya mein, jahan sirf main aur mera kaam hai.
Aur is chhupne mein hi meri sabse badi taakat chhupi hai.

Mere liye mobile sirf call karne ya messages bhejne ka zariya nahi tha. Wo ek darwaza tha meri us duniya ka, jahan main apni marzi ki malik thi. Chacha ji ke ghar mein mera har kadam unki nazron mein hota tha, par digital duniya mein main azaad hona chahti thi. Isliye maine apne phone ko Root kiya. Root karne ka matlab ye nahi tha ki mujhe sirf naye themes ya fonts chahiye the; mera asli maqsad tha Invisible hona.Maine apne phone mein aise custom kernels aur scripts install kiye jo meri identity ko puri tarah se mita dete the. Root hone ki wajah se mujhe wo "Superuser" access mila, jisse main phone ke har us kone tak pahunch sakti thi jahan ek normal user nahi pahunch sakta. Maine MAC Address Spoofing aur VPN-level System Routing ka istemal kiya. Main apne kamre ki khidki ke paas baithi hoti thi, par internet ki duniya mein meri location kabhi Germany, toh kabhi Tokyo dikhti thi.

Abhijeet ne mujhe ek baar kaha tha, "Suhani, ek sacha hacker wahi hai jo internet par apna koi nishaan na chhode. Agar tumne digital footprint chhoda, toh tumhari privacy sirf ek illusion hai." Maine unki ye baat dil se laga li thi. Rooted phone ki wajah se main apps ki har ek permission ko khud control karti thi. Main kisi bhi app ko apne camera, mic ya contacts tak tab tak nahi pahunchne deti thi, jab tak main khud allow na karun.

Lekin is"Azaadi" ki ek bahut badi keemat bhi thi. Rooted phone hone ke fayde toh bahut the, par usne meri normal life aur gaming mein kuch aisi mushkilein khadi kar di thin jinhe handle karna asan nahi tha.

Privacy ke chakkar mein maine system-level par mic ko "Disabled" rakha tha. Jab maine 2020 mein PUBG khelna shuru kiya, toh ye sabse badi museebat ban gayi. Game mein teamwork sabse zaroori hota hai, par mera mic aksar 'Rooted Permissions' ki wajah se glitch kar jata ya on hi nahi hota tha. Mere teammates mujhe aawaz dete rehte, par main jawab nahi de paati thi. Kai baar unhe lagta ki main ghamandi hoon ya ignore kar rahi hoon, jabki sach ye tha ki mera privacy filter meri awaaz ko bahar hi nahi jaane de raha tha. Iski wajah se kai baar squad wipe ho jati thi kyunki main jab tak message type karke unko bhejati in-game, tab tak bahut kuch ho chuka hota tha. PUBG game mein ek second bhi important hai.Rooted phone hone ki wajah se mere phone mein koi bhi official Banking ya Payment app nahi chalti thi. Apps detect kar leti thin ki phone compromised hai. Isliye mujhe apne financial kaamon ke liye dusron par depend hona padta ya browser se risky tareeke se kaam karna padta.Location spoofing aur itne saare background scripts ki wajah se mera mobile bahut zyada garam (heat) ho jata tha. PUBG jaise heavy game khelte waqt phone lag karne lagta. Kai baar critical moments par phone restart ho jata, aur main game se bahar ho jati.Main official software updates nahi le sakti thi. Agar ek baar bhi system update hota, toh mera Root access chala jata, ya phir update thik se install nahi hota. Aise karne se mobile hamesha ke liye dead ho sakta tha, toh main update nahi kar sakti thi. Iska matlab tha ki main purane security patches par thi, jo technically mujhe zyada vulnerable (khatre mein) bana rahe the.Mere liye mera phone ek aisi digital deewar thi jise todna kisi ke liye bhi asan nahi tha, par kabhi-kabhi us deewar ke andar main khud bhi qaid mehsoos karti thi. Lekin phir bhi, wo "Secret" hone ka nasha hi kuch aur tha.

Suhani ka naam sunte hi logon ke zehan mein ek seedhi, shaant, aur halki si muskaan wali ladki ki tasveer ubhar aati thi. Uski zindagi ke pehle unnis saal kisi bhi aam ladki jaise hi the. Subah padhai, ghar ki baatein, thode sapne, thodi shararat, thodi zimmedari. Uska parivaar defence background se tha, isliye uske ghar mein discipline hawa mein ghula rehta tha. Desh ke liye kuch karne ki baat usne bachpan se suni thi, par usne kabhi apne liye koi bada ya alag raasta nahi socha. Use lagta tha zindagi bas waise hi chalegi jaise sabki chalti hai. Graduation, post graduation, phir shaadi. Bas. Lekin zindagi kab seedhi lakeer par chalti hai.
Ek din aisa aaya jisne us lakeer ko tod diya. Ek accident. Itna bhayanak ki ek pal mein Suhani ka poora parivaar usse chhoot gaya. Kal tak jinke saath khana khaya tha, jinse baat ki thi, jinhe good night kaha tha, wo sab yaadon mein badal gaye. Ghar bhara hua tha, par phir bhi bilkul khaali.
Us waqt uske Vikram Uncle yaani Papa ke bade bhai ne aage badh kar uska haath thaama. Unhone Suhani ko girne nahi diya. Guardian ban kar, sahara ban kar, unhone use samjhaya ki zindagi rukti nahi. Unhone uski padhai continue karwayi, IT sector se related courses karvaye, taaki wo apne pairon par khadi ho sake. Suhani chal to rahi thi, par andar ka shor kabhi kabhi bahut tez ho jata tha.
Phir dheere dheere uske andar ek aur awaaz paida hui. Papa ki yaad, unki uniform, unki baatein. Defence sirf job nahi, ek zimmedari hoti hai. Ye baat uske dil mein jagah banane lagi. Wo samajhne lagi ki shayad uski zindagi ka matlab sirf normal routine nahi hai.
Isi time Vikram Uncle ki tabiyat kharab hone ke chalte unhone Suhani ki zimmedari apne dost ke ladke ke haath mein de di. Suhani ki shaadi karva di, happy marriage life start ho gayi. Jiske saath shaadi hui wo bhi ek Cyber Cell ka high profile person tha. Usne Suhani ko cyber world ke baare mein aur jankari di, usmein master bana diya. Time beet raha tha, Suhani ki life mein ek aur khushi enter kar gayi—Gouri. Wo bhi Suhani ki tarah shaant aur cute thi, bilkul Suhani ki copy.
Isi dauraan internet ki duniya mein uski mulaqat ek insaan se hui—ek blog ke through. Shuru mein bas baatein hoti thin. Phir wo baatein aadat ban gayi aur aadat rishta. Wo insaan uska bhai ban gaya. Khoon ka nahi, par dil ka. Kab, kaise, kis pal mein ye hua, dono ko khud nahi pata chala. Par ye pakka tha ki ab wo akeli nahi thi. Suhani ki beti ka naam bhi uske bhai ne hi rakha tha.
Us bhai ki wajah se Suhani ki zindagi mein ek aur naya chapter khula—PUBG. Haan, wahi game jise lekar duniya mein log serious ho jate hain. Suhani ne kabhi mobile games mein interest nahi liya tha. Par bhai ke saath rehne ke liye, uski duniya samajhne ke liye, usne game install kiya. Pehli baar jab usne aim kiya hoga, shayad usne khud par hansi bhi ki hogi. Par dheere dheere wo better hoti gayi. Bhai ka ek sapna tha—Ace tier achieve karna.
Par zindagi ne phir se ek kathor mod liya. Bhai ki tabiyat kharab hone lagi. Hospital, reports, tension. Use game aur baaki cheezon se peeche hatna pada. Sapna wahi ruk gaya. Suhani ne us din faisla kiya, "Agar bhai nahi kar pa raha, toh main karungi." Ye sirf rank nahi, ye ek wada tha.
Game ke safar mein Suhani ko India ke alag-alag konon se dost mile. Kisi ka accent alag, kisi ka nature alag, kisi ki story alag. Par sab mein ek cheez common thi—sab Suhani se judte chale gaye. Wo sirf player nahi rahi, wo sunne wali, samjhane wali aur motivate karne wali ban gayi. Aur ek din, bahut mehnat ke baad, usne Ace tier achieve kar liya.
Suhani ke liye PUBG sirf ek game nahi tha. Wo ek jagah thi jahan duniya ke alag-alag shehron se log ek hi map par utarte the, par dil se ek dusre ke kareeb aa jate the. Wahi par uski mulaqat kuch aise logon se hui jo dheere-dheere random teammates se badh kar uski roz ki zindagi ka hissa ban gaye. Mumbai se Pramod, uska bhai Vinod, Balvinder (jo army mein tha), aur phir Bapu, Patil… aur bhi chehre jo headset ke peeche the, par waqt ke saath apne ho gaye.
Har match ek nayi kahani lekar aata tha. Kabhi hansi, kabhi panic, kabhi last circle ka pressure. Lekin is kahani mein ek twist tha—Suhani defence se judi hui thi aur us par restrictions the. Wo rooted mobile use karti thi jisme voice access nahi tha. Mic on karke baat karna uske liye luxury tha. Isliye jab team mein sab log bol rahe hote the, Suhani chup hoti thi. Wo chat box mein ungliyon se type karti thi—"Enemy left", "Cover me", "Push mat karo", "Revive".
Ek PUBG player jaanta hai ki live fight mein ek second kitna bhari hota hai. Voice aur typing mein zameen-aasman ka farq hota hai, phir bhi uske dost rukte the aur us par trust karte the. In lamhon ko sambhalne ke liye usne TikTok par content record karna shuru kiya. Videos dekh kar log kehte the, "Ye bonding real lagti hai," kyunki wo waqayi real thi.
In sab mein sabse zyada kareebi dost Pramod tha. 2019 mein TikTok ban hone ke baad bhi wo touch mein raha, lekin jab Pramod ki shadi hui toh Suhani ne khud hi contact kam kar diya taaki uski nayi zindagi mein koi khalal na pade. Pramod ne hi use Ace tier tak pahunchne mein bahut madad ki thi. Jab Suhani ne ye jeet haasil ki, uska bhai coma mein tha. 21 din ke intezaar ke baad bhai ne aankhen kholin aur Suhani ne apna wada poora kiya.
Dheere-dheere Suhani ne blog ki zimmedari bhi sambhali—"Dream Team". Yahan log apne personal problems, breakups aur loneliness share karte the. Suhani bina kisi fayde ke raat-raat bhar unhe reply karti taaki kisi ko andhere mein akela na chhodna pade. 2021 tak aate-aate PUBG badal gaya tha, purane dost bichhad gaye the. Isi dauraan wo TikTok ki ek creator ki fan ban gayi, jiski baaton ne Suhani ko kai baar galat faisle lene se bachaya.
Suhani ne us creator ka fan page banaya aur editing ke zariye naye dost banaye jaise Jalpana, Ishu (Cute Panda), Angel aur Shubham. Angel aur Suhani ne 4-5 saal saath game khela. Game mein ek dost Innocent (Jammu Kashmir) bhi tha, jise sab Suhani ka boyfriend kehte the aur Suhani bhi usse usi apnapan se baat karti thi.
Phir aaya 2025 ka July—Cancer. Is baar bhi Suhani ne darr ko apne upar raj nahi karne diya. Usne apni body donate karne ka faisla kiya—gyarah logon ko zindagi dene ka. Wo sabse milna chahti thi par barish aur road blocks ki wajah se sabse milna possible nahi tha. Usne video calls kiye aur sabko maaf kar diya.
Suhani ne court se 'self death' (Euthanasia) ki permission li jo sirf terminal patients ko milti hai. Uski kuch khwahishein reh gayin—jaise apne bhai ki shadi dekhna ya us creator se milna jiski wo fan thi. 7 October 2025 ko 6:14 PM par, Suhani ne khud hi injection laga kar is duniya ko alvida keh diya, kyunki wo nahi chahti thi ki kisi doctor par ye bojh rahe ki unhone uski saansein roki hain.
Par sirf jism gaya, kahani nahi. Aaj uske dost uska Instagram aur blog sambhalte hain. Har post mein Suhani ki jhalak hoti hai. Kyunki usne kaha tha: "Show must go on." Aur wo chal raha hai. 🌸

Jab bhi main use dekhti hoon, mujhe lagta hai hum dono ek hi kismat lekar paida hue hain apno ka pyaar kho dene ki kismat. Na koi drama, na koi rishta officially declared, bas ek ajeeb si pehchaan jo andar tak utarti hai.
Meri billi paida hui thi sadak ke ek kone mein, jahan shor zyada tha aur apnapan kam. Woh apni mom ki garmi aur hifazat mein rehti thi. Par yeh khushi sirf kuch hi dino ki thi.
Ek din, uski mom chali gayi hamesha ke liye. Meri billi, jiski aankhein abhi poori tarah duniya ko pehchaan bhi nahi paayi thin, akeli reh gayi. Uss raat usey bahut darr laga. Usey laga jaise uske andar ka chota sa diya kisi ne bujha diya ho.
Mujhe bhi yaad hai jab meri zindagi mein achanak se sab badal gaya. Jab mere saath khade rehne wale log mujhse door ho gaye. Mujhe laga jaise main ek bhanwar mein hoon aur koi sahara nahi. Meri billi aur main hum dono mein yahi farak nahi tha. Hum dono ne bahut jaldi seekh liya ki ab apni bhookh aur apne darr se khud hi ladna hoga. Yeh sabse bada sach tha.
Jab bhookh lagti hai, toh darr bhi thoda kamzor pad jaata hai. Billi ko insaanon ke paas jaana pada, par woh seedhe kisi par yakeen nahi kar sakti thi. Woh pehle door khadi hokar gaur karti thi. Phir apni awaaz ko bahut halka aur dukh bhara banakar myaoon karti thi—itni soft ki kisi ko bhi gussa na aaye, bas taras aa jaaye. Pet ke liye unhe yeh karna padta tha, aur is mein koi sharam nahi.
Woh aaram se aage badhti thi, jaise keh rahi ho "Dekho, main bahut choti hoon, mujhe takleef mat dena." Jab koi uski taraf pyaar se dekhta, toh woh apni palkein dheere se jhapkati. Yeh uski zabaan thi, yeh batane ki Main tum par bharosa karti hoon, kya tum mujhe chhod kar toh nahi jaoge?
Main bhi apni life mein dosti ya pyaar paane ke liye yahi tarah apnaati hoon. Main ye pehle sabko khush karti hoon, unka dil jeetti hoon, aur phir umeed karti hoon ki woh mere saath rahenge.

Aisa nahi hai ki mere paas friends nahi hain bohot hain. Lekin woh sab ek time tak saath rahenge, kuch matlabi hain, kuch sirf apne hone ka natak karte hain. Jo log mujhe bina dekhe aaj tak personally bina mile mujhpe trust karte hain, woh hi sirf mere asli friends hain. Mere fanpage mein hain aisi 5-6 shakhsiyatein Pramod, Angel, Innocent (Talib), Jalpana, Shubham Gujarat se, Ayodhya se, Patna se, Mumbai se. Kabhi mile nahi, kabhi chehre nahi dekhe, par "Suhani Didi" ke naam se jaante hain aur bharosa karte hain. Yeh doori kabhi feel nahi hui mujhe kabhi. PUBG ne bhi bahot kuch diya friends, behen, ek achi editor jo same meri saloni ki videos edit karti hai. Ye log marte dam tak yaad rahenge.
Uss billi aur main, har rishte mein ek chhupa hua darr lekar chalte hain ki kahin phir se akela na rehna pade. Phir bhi kabhi failure ka darr nahi rakhte, agar success mili toh achi baat hai warna fail hokar jo seekhne milta hai wo experience ban jata hai.
Par meri billi sirf masoomiyat nahi hai, uske andar ek chhota sa jwaalamukhi hai. Jab koi bada kutta uski taraf lapakta hai toh woh bhagti nahi hai. Uski chhoti si body ek pal mein sakht ho jaati hai, uske baal khade ho jaate hain aur uski gurrahat itni tez hoti hai ki kutta bhi ruk jaata hai. Uski palat-waar ki speed itni zyada hoti hai ki woh hawa se bhi tez bach nikalti hai. Uski spirit kabhi haar nahi maanti, woh gir kar bhi hamesha chaar pairon par khadi hoti hai. Billi ko kaise bhi hawa se chhodo, wo sidha apne pairon par hi girti hai.
Jab meri life mein mushkil din aaye toh maine bhi uss cat ki tarah apne aap ko taiyaar kiya. Main rona band kar deti hoon aur taakat ban jaati hoon. Mera dil andar se toot chuka hota hai par maine chehre par kabhi shikast nahi dikhai. Main bhi yahi sabit karti hoon ki main chott kha sakti hoon par toot nahi sakti. Ab aadat kaho ya duniyadari ka real face, main ab kisiko entertain nahi karti. Aao toh welcome, jao toh happy journey. Kehte hain life ka har ek pal ek chapter ki tarah hota hai jo step-wise sab sikhata hai. Thokar lagna bhi zaroori hai tabhi hum pehchan paate hain ki galti repeat nahi karni.
Aur phir aata hai zindagi ka sabse dukh-bhara mod jab ek billi ka ant aane wala hota hai. Woh sabse door chali jaati hai aur kisi andhere aur shaant kone mein chhup jaati hai. Woh nahi chahti ki uske pyaare log uski kamzori dekhein. Woh apna aakhiri pal akele hi guzarti hai aur sabse badi baat, woh kabhi roti nahi hai.
Science kehta hai ki ek cat kabhi ro nahi sakti, ye science ne proof kiya hai. Billi ke paas woh rasta ya mechanism nahi hota jisse woh dukh mein aansoo baha sake. Uske aansoo bas aankhein saaf karte hain. Hum insaan rokar apne bojh ko thoda halka kar lete hain par billi ko yeh aaram bhi nahi milta.
Main bhi uss billi jaisi hoon. Jab mera dil tuta hota hai toh main chup ho jaati hoon. Main chillati nahi, aansoo nahi bahaati, mera dard bas mere andar hi dab jata hai. Mujhe lagta hai ki hum dono ko yeh raaz pata hai ki kuch gehre zakhm aise hote hain jinhe aansoo ki nahi sirf khamoshi hi bardasht kar sakti hai.
Hum dono, billi aur main, apna dard chupchaap le kar is duniya se khamoshi mein alvida kahenge. Jinhone mujhe hamesha haste huye dekha hai, unke samne mujhe aisa chehra nahi dikhana jisse unhe takleef ho. Bas khudko dur kar lungi sabse. Maine life mein bahut ache log kamaye hain jo jaan se pyare hain, bas farak itna hai ki wo mujhse bohot dur hain. Main un logon ke samne kamjor nahi dikhna chahti jo mujhse inspire hain. Sorry un sabko jinse baatein chhupa rahi hu, bas samajh lo ki main khushi aur sportsman spirit ka pratik hoon, gham ka nahi. Jab mujhe yaad karoge toh aansoo mat bahana, bas un palon ko yaad karna jab hum saath the.
Imagine karne se hi khushi mil rahi hai na? Bas aise hi khush raho. Aur haan, kabhi life mein possible hua toh ek stray cat ko zaroor adopt karna. Toh yahi story hai ki mujhe dog se zyada cat kyun pasand hai. So story the end, tata bye bye.